સાઈબર અપરાધીઓએ હવે રાજનીતિક દળોની વેબસાઈટને નિશાને લીધી હોવાના સમાચારો પ્રાપ્ત થઇ રહ્યા છે. આ ઘટનાનું તાજુ જ ઉદાહરણ આસામ ભાજપની એક વેબસાઇટ છે. સાઇબર અપરાધીઓએ આસામ ભાજપના નામના URL નો ઉપયોગ કરીને એક નકલી વેબસાઈટ બનાવી છે. જેના પર અશ્લીલ કંન્ટેન્ટ દેખાડવામાં આવી રહ્યું છે. આ ઘટનાની પ્રાથમિક તપાસમાં ખબર પડી કે આ વેબસાઈટને કીનિયામાંથી રજીસ્ટર્ડ કરવામાં આવી છે.
આપને જણાવી દઇએ કે સાઇબર અપરાધીઓએ ભાજપ આસામની સત્તાવાર વેબસાઈટ (ASSAM.BJP.ORG) ના નામ સાથે ભળતી આવતી એક નકલી વેબસાઈટ (WWW.BJPASSAM.ORG) ને પોર્ન વેબસાઈટ સાથે લિંક કરી દેવામાં આવી છે.
યુઝર્સે જ્યારે ઈન્ટરનેટ પર "BJP" "ASSAM" સર્ચ કરી રહ્યા હોય છે ત્યારે ઘણી અશ્લીલ તસવીરો ઉડીને આંખે વળગે છે.જે ખરેખર એક પોર્ન વેબસાઈટ છે.
ઉલ્લેખનીય છે કે ભાજપાની રાજ્ય સમિતીએ આ મામલાની ફરિયાદ સાઈબર ક્રાઈમ સેલમાં કરી હતી. ફરિયાદમાં અપરાધીને ઝડપથી પકડવા અને અશ્લિલ વેબસાઈટને બંધ કરવાનો ખાસ આગ્રહ કરવામાં આવેલ હોવાનું ધ્યાને આવ્યું હતું.
જ્યારે પોલીસે આ મામલાને ગંભીરતાથી લઈ અપરાધીઓની તપાસ હાથ ધરી છે. સાથે જ વેબસાઈટને બંધ કરવા માટે જરૂરી પગલા લેવામાં આવી રહ્યા છે.