રાજ્યમાં દારૂબંધી તો છે પરંતુ ક્યાં તે સવાલ છે કારણ કે રોજબરોજ દારૂબંધીના નિયમો નેવે મુકતી ઘટનાઓ સામે આવે છે. ત્યારે વધુ એકવાર અમદાવાદમાં દારૂની હેરાફેરી થતી હોવાનું સામે આવ્યું. જોકે અસલાલી પોલીસે આરોપીને ઝડપી પાડીને વધુ તપાસ હાથ ધરી છે. ત્યારે જાણીએ દારૂની હેરાફેરીનો અસલાલી પોલીસે કેવી રીતે કર્યો પર્દાફાશ.
દારૂની હેરાફેરી કરતો શખ્સ ઝડપાયો
અસલાલીમાં ગેરકાયદે પ્રવુતિ પકડવા કવાયત હાથ ધરી છે ત્યારે અમદાવાદમાં દારૂની હેરાફેરી કરતો શખ્સ ઝડપાયો છે. પોલીસ જાપ્તામાં ઉભેલા આ આરોપીએ કાર ભાડે રાખીને દારૂની હેરાફેરી કરતો હતો. જો કે પોલીસની સતર્કતાથી અસલાલી પોલીસે XUV કાર સાથે દારૂકબ્જે કર્યો છે. 1 લાખની કિંમતના દારૂ સાથે 8 લાખનો મુદ્દામાલ કબ્જે કરીને પોલીસે વધુ તપાસ હાથધરી છે. આરોપી એક દિવસના 3 હજાર રૂપિયા ચૂકવીને કાર ભાડે લાવ્યો હતો. જો કે કોના ઇશારે અને રાજ્યમાં અત્યાર સુધી કઇ કઇ જગ્યાએ દારૂની સપ્લાય કરતો હતો. તેમજ તેના આ ધંધામાં અન્ય લોકોની સંડોવણીને લઇને પોલીસે વધુ પૂછપરછ હાથ ધરી છે.
થોડા દિવસો પહેલા ઝડપાયું દારૂનુ ગોડાઉન
ઉલ્લેખનીય છે કે હમણા અઠવાડિયા અગાઉ જ અસલાલી પોલીસે દારૂ ભરેલું ગોડાઉન ઝડપાયું હતું. બાતમીને આધારે રેડ કરતાં રૂપિયા 30 લાખનો વિદેશી દારૂની 561 પેટીઓ સહિત 35 લાખનો મુદ્દામાલ જપ્ત કરવામાં આવ્યો હતો. પોલીસ કસ્ટડીમાં જોવા મળતા આરોપી મનોહર પવાર અને સુરેશ પુનિયા દારૂની હેરાફેરી કરી રહયા હતા. ત્યારે પોલીસે ચેકીંગ ડ્રાઈવમાં તેઓને ઝડપી લીધા. ગોડાઉનમાં ગેરકાયદે પ્રવુતિ ચાલતી હોવાની માહિતીને લઈને પોલીસ દ્વારા ગોડાઉન ચેકીંગનું ડ્રાઈવ શરૂ કરવામાં આવ્યું હતું. આ દરમ્યાન પોલીસને બાતમી મળી કે મણીબા એસ્ટેટમાં દારૂની હેરાફેરી થઈ રહી છે પોલીસે રેડ કરતા રૂ 30 લાખનો વિદેશી દારૂની 561 પેટીઓ સહિત 35 લાખનો મુદ્દામાલ જપ્ત કરવામાં આવ્યો હતો.