Video / અક્ષર પટેલે સુપરમેનની જેમ હવામાં ઉછળીને કર્યો જબરજસ્ત કેચ, કમેન્ટેટર્સ પણ ચોંકી ગયા, જુઓ વીડિયો

T20 World Cup 2024માં સુપર 8 રાઉન્ડમાં ઓસ્ટ્રેલિયા સામે અક્ષર પટેલે જબરજસ્ત કેચ પકડ્યો, જેને કારણે આખું સ્ટેડિયમ ચિચિયારીઓથી ગૂંજી ઉઠ્યું હતું. અક્ષર પટેલે આ કેચ 9મી ઓવરમાં કુલદીપ યાદવની બોલિંગ દરમિયાન પકડ્યો હતો. આ કેચ એટલા માટે ખાસ હતો કારણ કે તેમણે હવામાં 10 ફૂટનો હાઈ જમ્પ મારીને આ કેચ કર્યો હતો. મિશેલ માર્શે કુલદીપ યાદવની બોલિંગમાં એક જબરજસ્ત ફાસ્ટ સ્લોગ સ્વીપ મારી હતી. સ્ક્વેર લેગ પર ફિલ્ડિંગ ભરી રહેલા અક્ષર પટેલે હવામાં 10 ફૂટ ઉપર ઉછળીને એક જ હાથે કેચ કરી લીધો. અક્ષર પટેલનો આ કેચ અવિશ્વસનીય હતો, અને એટલે જ મેદાન પર બેઠેલા દર્શકો તેમને ફ્લાઈંગ કિસ આપવા લાગ્યા.

View this post on Instagram

A post shared by ICC (@icc)

અક્ષરના કેચે બદલી નાખી મેચ

અક્ષર પટેલનો આ કેચ કમાલનો તો હતો જ, સાથે જ ઈમ્પોર્ટન્ટ પણ હતો. કારણ કે આ મેચ બાદ જ ઓસ્ટ્રેલિયાની બેટિંગ લાઈન અપ ધરાશાયી થઈ ગઈ. મિશેલ માર્શ અને ટ્રેવિસ હેડે બીજી વિકેટ માટે 81 રનની પાર્ટનરશિપ કરી હતી. આ સમયે ઓસ્ટ્રેલિાયની ટીમ મેચ પર પકડ જમાવી રહી હતી. પરંતુ મિશેલ માર્શની વિકેટ અને અક્ષર પટેલના કેચે આખી મેચ જ પલટી નાખી. માર્શના આઉટ થવાની સાથે જ ઓસ્ટ્રેલિયા બેકફૂટ પર આવી ગયું. મિડલ ઓવર્સમાં ઓસ્ટ્રેલિયાનો રન રેટ ઘટ્યો, જેને કારણે પાછળના બેટ્સમેનો પર પ્રેશર વધી ગયું.

વધુ વાંચો: 'કયા સે કયા હો ગયા..', વર્લ્ડકપમાંથી ઓસ્ટ્રેલિયા OUT થતા જ સોશ્યલ મીડિયા પર આવ્યું Memesનું પૂર

ઓલરાઉન્ડર પ્રદર્શન

અક્ષર પટેલે મેચમાં માત્ર જબરજસ્ત ફિલ્ડિંગ જ નથી કરી, પરંતુ તેમની બોલિંગ પર કમાલની હતી. અક્ષરે 3 ઓવરમાં 21 જ રન આપીને એક વિકેટ ઝડપી. અક્ષરની આ વિકેટ પણ માર્કસ સ્ટોયનિસની લીધી, જે ખતરનાક બેટ્સમેન છે. આ પહેલા ટીમ ઈન્ડિયાએ જબરજસ્ત બેટિંગ કરતા 205 રનનો મોટો ટાર્ગેટ આપ્યો હતો. જેમાં રોહિત શર્માએ 41 બોલમાં 92 રન બનાવ્યા હતા.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ