મજાક ભારે પડી  / એરપોર્ટ પર પૂછ્યું બેગમાં શું છે? તો જવાબ આપ્યો-'બોમ્બ',63 વર્ષનાં કાકાને મજાક ભારે પડ્યો, થઈ ધરપકડ              

• એરપોર્ટ પર સામાન ચેકિંગમાં કાકાએ કહ્યું અંદર બોમ્બ છે 
• એરપોર્ટ પર હોબાળો મચી ગયા બાદ એરપોર્ટ સુરક્ષાને જાણ કરાઇ 
• 63 વર્ષનાં કાકાની ધરપકડ બાદ જામીન પર છુટકારો 

કેરળના કોચી ઇન્ટરનેશનલ એરપોર્ટ પર ગઇકાલે 63 વર્ષનાં કાકાને મજાક કરવી ભારે પડી છે. વાત જાણે એમ છે કે, શનિવારની વહેલી સવારે કેરળના કોચી ઇન્ટરનેશનલ એરપોર્ટ પર 63 વર્ષીય પુરુષ અને તેની પત્નીને તેમની ફ્લાઇટમાં બેસવાની પરવાનગી નકારી દેવામાં આવી હતી. ચેક-ઇન કાઉન્ટર પરના સ્ટાફે તેને પૂછ્યું કે તેના સામાનમાં શું છે, ગુસ્સે થયેલા પતિએ "બોમ્બ" કહ્યું, જેનાથી હંગામો થયો, ત્યારબાદ એરપોર્ટ સુરક્ષાને જાણ કરવામાં આવી.

હા... મારી પાસે બોમ્બ છે: 63 વર્ષનાં કાકા

પોલીસે જણાવ્યું હતું કે, આંતરરાષ્ટ્રીય એરપોર્ટ હોવાથી કપલને દુબઈ અને અહીંથી ઓસ્ટ્રેલિયા જવાનું હતું. જેથી અનેક સ્તરોમાં કડક ચેકિંગ કરવામાં આવ્યું હતું. આ દરમ્યાન છેલ્લે ચેકિંગ કરતી વખતે દંપતીએ કહ્યું, 'હા, મારી પાસે બોમ્બ છે.' આ સાંભળીને એરપોર્ટ પર હોબાળો મચી ગયો હતો. ત્યારબાદ એરપોર્ટ સુરક્ષાને જાણ કરવામાં આવી.

63-year-old man and his wife not allowed to board their flight at Cochin International Airport after he uttered word "bomb" when asked what was in their luggage. He was arrested and later released on bail: Police

— Press Trust of India (@PTI_News) July 2, 2022

ઘટના સીસીટીવી કેમેરામાં કેદ

નેદુમ્બસેરી પોલીસ અધિકારીએ કહ્યું, “અમને એરપોર્ટ પરથી મળેલી માહિતી મળી હતી કે, વ્યક્તિએ કહ્યું કે, તેના સામાનમાં બોમ્બ છે. એરપોર્ટ પર આ સ્વીકાર્ય નથી. પેસેન્જરની ટિપ્પણી બાદ સેન્ટ્રલ ઈન્ડસ્ટ્રીયલ સિક્યુરિટી ફોર્સ (CISF) એલર્ટ થઈ ગયું હતું. આ વાતચીત ટર્મિનલમાં લાગેલા સીસીટીવી કેમેરામાં પણ કેદ થઈ હતી. જેના કારણે માલસામાનની વ્યાપક તપાસ કરવામાં આવી. ફ્લાઇટમાં તેમનો સામાન પણ ઉતારી લેવામાં આવ્યો હતો.

63 વર્ષનાં કાકાની ધરપકડ 

વિદેશ જઈ રહેલા દંપતી સવારે 1.30 વાગ્યાની આસપાસ એરપોર્ટ પહોંચ્યા હતા. ચેક-ઇન કાઉન્ટર પરના સ્ટાફે તેને પૂછ્યું કે તેના સામાનમાં શું છે, ગુસ્સે થયેલા પતિએ "બોમ્બ" કહ્યું, જેનાથી હંગામો થયો, ત્યારબાદ એરપોર્ટ સુરક્ષાને જાણ કરવામાં આવી. જે બાદ તેને પોલીસને હવાલે કરવામાં આવ્યો હતો. પોલીસે જણાવ્યું હતું કે વ્યક્તિની ધરપકડ કરવામાં આવી હતી, પરંતુ પછીથી તેને પોલીસ જામીન પર મુક્ત કરવામાં આવ્યો હતો અને ભવિષ્યમાં આવું ન કરવા સૂચના આપવામાં આવી હતી.