બિહાર વિધાનસભા ચૂંટણીમાં બધી જ પાર્ટીઓ ધૂમ પ્રચાર કરી રહી છે ત્યારે ભારતના સૌથી ગંભીર રાજનેતાઓમાંથી એક નીતીશ કુમારનો એક વીડિયો ખૂબ વાયરલ થઇ રહ્યો છે જેમાં તે પોતાની વાણી પરથી કાબૂ ગુમાવતા દેખાઈ રહ્યા છે.
બિહારમાં વિધાનસભા ચૂંટણી પ્રચાર ચરમ પર
નીતીશ કુમારની એક સભાનો વીડિયો વાયરલ
સોશ્યલ મીડિયામાં થઇ રહી છે ટીકા
બિહારના મુખ્યમંત્રી નીતીશ કુમારના વક્તવ્ય કળાના વિરોધીઓ પણ દીવાના છે પણ આ વખતે ચૂંટણી પ્રચારમાં એક ભાષણમાં તેઓ પોતાનો કાબૂ ખોઈ બેઠા જેના કારણે વીડિયો સોશ્યલ મીડિયામાં વાયરલ થઇ રહ્યો છે અને લોકો તેની ટીકા પણ કરી રહ્યા છે.
બિહારમાં વિધાનસભા ચૂંટણી માથે છે અને તેમાં સીએમથી લઈને પીએમ પણ મેદાને છે. એવામાં નીતીશ કુમારનો એક વીડિયો ખૂબ વાયરલ થઇ રહ્યો છે જેમાં તેમણે કહ્યું કે જ્યારે તે લોકોને તક મળી ત્યારે શું કર્યું ? એક સ્કૂલ બનાવી ?
તેજસ્વીનું નામ લીધા વિના તેમણે કહ્યું કે જો ભણવા માંગો છો તો પોતાના બાપથી પૂછો પોતાની માતાથી પૂછો કે ક્યાંય સ્કૂલ ખોલી, ક્યાંય કૉલેજ બની રહી હતી ? જરા પૂછી લો...રાજ કરવાનો મોકો મળ્યો ત્યારે ગ્રહણ કરતા રહ્યા અને જ્યારે અંદર જતા રહ્યા તો પત્નીને બેસાડી દીધી ગાદી પર.
નીતીશ કુમારે કહ્યું કે હવે આજે કોઈ ગડબડ કરવાવાળો માણસ સીધો અંદર જશે. તમારા લોકોની વચ્ચે કોઈ ઊંધું-સીધું નહીં કરી શકશે નહીં.
બિહારમાં વિવિધ ઓપિનિયન પોલમાં NDAની સરકાર બનતી દેખાઈ રહી છે જોકે વિપક્ષી પાર્ટીઓ કહી રહી છે ટક્કર કાંટાની છે એવામાં નીતીશ કુમાર જૂની સરકારની વિફળતાઓ જોરશોરથી ગણાવી રહ્યા છે.