તારક મહેતા કા ઉલ્ટા ચશ્મામાં રહેલી ટપુસેનાથી બાળકો ખુબ પ્રભાવિત થયા હતા અને ખાસ કરીને ટપૂથી. કારણકે ટપૂ એક એવો તોફાની છોકરો છે જે પોતે તોફાન કરે અને તેના મિત્રોને પણ તેમાં સાંકળી લે. તારક મહેતાનો ટપૂડો એટલે ભવ્ય ગાંધી.
ભવ્ય ગાંધીએ 2017માં છોડ્યો હતો શો
અસિત મોદીએ ગણાવ્યો અનપ્રોફેશનલ
ટપૂને રિપ્લેસ કર્યો રાજ અનડકટે
ભવ્ય ગાંધીએ નાનપણથી યુવાની સુધી તારક મહેતા..માં ટપૂનું પાત્ર ભજવ્યું હતુ પરંતુ કેટલીક બાબતોને લઇને ભવ્યએ આ શો છોડવો પડ્યો હતો. હવે આસિત મોદીએ કહ્યું છે કે તે ભવ્ય ગાંધીના અનપ્રોફેશનલ બિહેવીયરને લઇને ખૂબ ડિસઅપોઇન્ટેડ છે.
શું કહ્યું અસિત મોદીએ
અસિત મોદીએ કહ્યું કે, અમને જ્યારે ભવ્યની ખુબ જરૂર હતી તે જ સમયે તેણે શો છોડી દીધો હતો. હું તેના માટે પિતા સમાન હતો અને મેં તેને ખુબ સપોર્ટ કર્યો પરંતુ તેણે અમને ઇન્ફોર્મ કર્યા વગર જ ગુજરાતી ફિલ્મ સાઇન કરી લીધી હતી અને અમને ત્યાં સુધી વાંધો ન હતો જ્યાં સુધી અમારુ શૂટ સફર નહોતુ થતું પરંતુ એક વાર જ્યારે રિપબ્લિક ડેનું શૂટ હતુ ત્યારે તે આવ્યો નહી અને બાદમાં અમારે નવા ફેસ સાથે તેને રિપ્લેસ કરવો પડ્યો.
સક્સેસ ચડ્યુ માથે
અસિત મોદીએ વધુમાં કહ્યું કે, ભવ્યના મગજમાં ફેમ ચડી ગયો હોય તેવું લાગી રહ્યું હતું. ટપૂના કેરેક્ટરે તેને ખુબ સફળતા અપાવી હતી પરંતુ તેણે શો છોડી દીધો હતો. બાદમાં રાજ અનટકટે ટપૂનો રોલ કર્યો.