ખતરો / સરકારનો મોટો નિર્ણય: એશિયાનાં સૌથી ધનિક ગૌતમ અદાણીને મળશે Z કેટેગરીની સુરક્ષા, પોતે જ ઉપાડ્શે ખર્ચ

• કેન્દ્ર સરકારનો ગૌતમ અદાણીની સુરક્ષાને લઈને મોટો નિર્ણય
• એશિયાનાં સૌથી ધનિક ગૌતમ અદાણીને મળશે Z કેટેગરીની સુરક્ષા
• Z કેટેગરીની સુરક્ષા ખર્ચ ગૌતમ અદાણી જ ઉઠાવશે: સૂત્રો  

કેન્દ્ર સરકારે દેશના સૌથી મોટા ઉદ્યોગપતિ અને સૌથી ધનિક વ્યક્તિ ગૌતમ અદાણીની સુરક્ષાને લઈને મોટો નિર્ણય લીધો છે. ઈન્ટેલિજન્સ બ્યુરો દ્વારા મોકલવામાં આવેલા રિપોર્ટના આધારે સરકારે ગૌતમ અદાણીને Z કેટેગરીની સુરક્ષા આપવાનો નિર્ણય કર્યો છે. ગૃહ મંત્રાલયના સૂત્રોના જણાવ્યા અનુસાર ઈન્ટેલિજન્સ બ્યુરો તરફથી મળેલી ધમકીના આધારે અદાણીને સરકાર દ્વારા ઉચ્ચ સ્તરીય સુરક્ષા પૂરી પાડવામાં આવી છે.

મૂળ ગુજરાતી ગૌતમ અદાણીની ગણતરી દેશના ટોચના ઉદ્યોગપતિઓમાં થાય છે. આ તરફ હવે  ઈન્ટેલિજન્સ બ્યુરો દ્વારા મોકલવામાં આવેલા રિપોર્ટના આધારે સરકારે ગૌતમ અદાણીને Z કેટેગરીની સુરક્ષા આપવાનો નિર્ણય કર્યો છે. નોંધનીય છે કે, આ પહેલા ગૃહ મંત્રાલય દ્વારા ઉદ્યોગપતિ મુકેશ અંબાણી અને તેમની પત્ની નીતા અંબાણીને પણ Z કેટેગરીની સુરક્ષા આપવામાં આવી છે. 

Z કેટેગરીની સુરક્ષાનો ખર્ચ કોણ ઉઠાવશે ?

મળતી માહિતી મુજબ અદાણી ગ્રુપના ચેરમેનને આપવામાં આવેલી Z કેટેગરીની સુરક્ષાનો ખર્ચ તેઓ પોતે ઉઠાવશે. સૂત્રોના જણાવ્યા અનુસાર, ભારતના ટોચના ઉદ્યોગપતિને આપવામાં આવેલી સુરક્ષામાં સેનાના 30થી વધુ જવાનો તૈનાત રહેશે. સશસ્ત્ર દળો તેમને આ સુરક્ષા પ્રદાન કરશે. આ તમામનો ખર્ચ ખુદ ગૌતમ અદાણી જ ઉઠાવશે. 

બ્લૂમબર્ગ બિલિયોનેર્સ ઈન્ડેક્સ અનુસાર, ગૌતમ અદાણી $126 બિલિયનની નેટવર્થ સાથે વિશ્વના ચોથા સૌથી ધનિક વ્યક્તિ છે. મુકેશ અંબાણી $91.9 બિલિયનની સંપત્તિના માલિક છે. તેઓ વિશ્વના 11મા સૌથી અમીર વ્યક્તિ છે. નોંધનિય છે કે, આ પહેલા ગૃહ મંત્રાલય દ્વારા ઉદ્યોગપતિ મુકેશ અંબાણી અને તેમની પત્ની નીતા અંબાણીને પણ Z કેટેગરીની સુરક્ષા આપવામાં આવી છે, જેનો ખર્ચ તેઓ પોતે ઉઠાવી રહ્યા છે.