પુરુષ સમોવડી / નારીશક્તિનો વિજય ! એશિયાની પહેલી મહિલા ટ્રેન ડ્રાઈવર સુરેખા યાદવની સિદ્ધી, દોડાવી વંદે ભારત એક્સપ્રેસ

• એશિયાની પહેલી મહિલા ટ્રેન ડ્રાઈવર હાંસલ કરી બીજી સિદ્ધિ
• મહારાષ્ટ્રની સુરેખા યાદવ વંદે ભારત એક્સપ્રેસ દોડાવનાર પહેલી મહિલા બની
• રેલ મંત્રી અશ્વિની વૈષ્ણવે ટ્વિટ કરીને આપ્યાં અભિનંદન 

એશિયાની પ્રથમ મહિલા લોકો પાયલોટ સુરેખા યાદવે પોતાના નામે વધુ એક સિદ્ધિ હાંસલ કરી છે. તેમણે વંદે ભારત એક્સપ્રેસનું સંચાલન કર્યું હતું. સુરેખા યાદવે વંદે ભારતની પ્રથમ મહિલા લોકો પાઇલટ હોવા ઉપરાંત ઘણી સિદ્ધિઓ મેળવી છે.

સોલાપુરથી મુંબઈ સુધી દોડાવી વંદે ભારત 
સુરેખા યાદવે સોલાપુરથી છત્રપતિ શિવાજી ટર્મિનલ સુધી વંદે ભારત એક્સપ્રેસ ટ્રેન ચલાવી હતી. પ્લેટફોર્મ નંબર 8 પર તેમનું સન્માન કરવામાં આવ્યું હતું. સુરેખા યાદવે હાઈસ્પીડ વંદે ભારત ટ્રેન ચલાવવાની તક આપવા બદલ આભાર વ્યક્ત કર્યો હતો. 

Vande Bharat - powered by Nari Shakti.

Smt. Surekha Yadav, the first woman loco pilot of Vande Bharat Express. pic.twitter.com/MqVjpgm4EO

— Ashwini Vaishnaw (@AshwiniVaishnaw) March 13, 2023

સુરેખા યાદવ એશિયાની પ્રથમ મહિલા ટ્રેન ડ્રાઈવર

મહારાષ્ટ્રના સતારાની વતની અને  એશિયાની પ્રથમ મહિલા ટ્રેન ડ્રાઈવર સુરેખા યાદવે 1988માં આ ટ્રેનનું સંચાલન કર્યું હતું. તે માત્ર દેશની પહેલી મહિલા ટ્રેન ડ્રાઇવર જ નથી. એપ્રિલ 2000માં તત્કાલીન રેલવે પ્રધાન મમતા બેનરજીએ ચાર મહાનગરોમાં પ્રથમ વખત "લેડીઝ સ્પેશ્યલ" લોકલ ટ્રેન શરૂ કરી હતી, જેના ક્રૂમાં સુરેખા યાદવનો પણ સમાવેશ થતો હતો. 8 માર્ચ, 2011ના રોજ તેની કારકિર્દીની એક મહત્વની ઘટના બની હતી, જ્યારે આંતરરાષ્ટ્રીય મહિલા દિવસે સુરેખાએ પુણેથી સીએસટી મુંબઇ જવા માટે ડેક્કન ક્વીન નામની ટ્રેન પકડી હતી. આ સાથે જ તે એશિયાની પહેલી મહિલા ટ્રેન ડ્રાઇવર બની હતી.

રેલ મંત્રી અશ્વિની વૈષ્ણવે ટ્વિટ કરીને આપ્યાં અભિનંદન 
કેન્દ્રીય રેલવે મંત્રી અશ્વિની વૈષ્ણવે સુરેખાના વખાણ કરતા ટ્વિટ કરીને આ ઉપલબ્ધિને 'નારી શક્તિ' ગણાવી હતી.