એશિયાના સૌથી સારા બીચ ભારતમાં દીમ-દમણ સહિત આ 13 બીચને મળશે ખાસ દરજ્જો

ઈકો ફ્રેન્ડલી સ્વચ્છ અને આંતરરાષ્ટ્રીય માપદંડોના આધારે પર્યટન સુવિધાઓવાળા ભારતના 13 બીચને ‘બ્લૂ ફ્લેગ બીચ’નો દરજ્જો આપવામાં આવશે. ઓડિશા મહારાષ્ટ્ર અને અન્ય તટીય રાજ્યોના આ બીચ માત્ર ભારતમાં જ નહીં એશિયામાં બ્લૂ ફ્લેગ બીચનો દરજ્જો મેળવનારા પ્રથમ બીચ હશે. પર્યાવરણ મંત્રાલય હેઠળ કામ કરતી સંસ્થા સોસાયટી ફોર ઈન્ટીગ્રેટેડ કોસ્ટલ મેનેજનમેંટ (SICM)ની નજર હેઠળ ભારતના સમુદ્ર કિનારાઓને બ્લૂ ફ્લેગના માપદંડો અનુસાર વિકસાવાઈ રહ્યા છે. 

SICM પરિયોજનાના અધિકારીએ કહ્યું કે “દરિયા કિનારાઓને પર્યાવરણ અને ટુરિઝમ ફ્રેંડલી બનાવવા માટે ‘બ્લૂ ફ્લેગ બીચ’ના માપદંડો હેઠળ પસંદગી પામેલા બીચને પ્લાસ્ટિક મુક્ત ગંદકી મુક્ત સોલિડ વેસ્ટ મેનેજમેન્ટ સહેલાણીઓ માટે સ્વચ્છ પાણીની વ્યવસ્થા આંતરરાષ્ટ્રીય માપદંડો પ્રમાણે પર્યટનની સુવિધાઓ વિકસિત કરવી અને સમુદ્ર કિનારાની આસપાસ પર્યાવરણીય પ્રભાવોનો અભ્યાસ કરવાની સુવિધા આપવાની હોય છે.”

એશિયામાં એક પણ 'બ્લૂ ફ્લેગ બીચ' નથી. બ્લૂ ફ્લેગ બીચના માપદંડો ડેનમાર્ક કોપનહેગન સ્થિત ફાઉન્ડેશન ફોર એન્વાયરમેન્ટ એજ્યુકેશન (FEE)દ્વારા 1985માં નક્કી કરવામાં આવ્યા છે. સમુદ્ર કિનારાઓને પર્યાવરણ ફ્રેન્ડલી બનાવવા માટે 4 ક્ષેત્રોમાં 33 માપદંડોવાળા બ્લૂ ફ્લેગ કાર્યક્રમને ફ્રાંસના પેરિસમાં શરૂ કરાયો હતો. શરૂ કર્યાના 2 વર્ષમાં જ યૂરોપના લગભગ બધા જ બીચને આમાં આવરી લેવાયા હતા..આ મુહિમ વર્ષ 2001માં યૂરોપની બહાર સાઉથ આફ્રિકા પહોંચી. જો કે એશિયા ખંડમાંથી હજુ એક પણ બીચનો સમાવેશ બ્લૂ ફ્લેગમાં થયો નથી. પર્યાવરણ મંત્રાલયે ભારતમાં બ્લૂ ફ્લેગ બીચના માપદંડો અનુસાર સમુદ્ર કિનારાઓને વિકસિત કરવાનો પાયલટ પ્રોજેક્ટ ડિસેમ્બર 2017માં શરૂ કર્યો હતો.

આ બીચને મળશે દરજ્જો:
-ઓડિશામાં કોણાર્ક તટનો ચંદ્રભાગા બીચ
- મહારાષ્ટ્રનો અરાવલે ચિવલા અને ભોગવે બીચ
- પુડ્ડુચેરી ગોવા દીમ-દમણ લક્ષદ્ઘીપ અને આંદમાન-નિકોબારના એક-એક બીચ