કોરોના વાયરસ સામે લડી રહેલા અમેરિકામાં હવે બીજો એક જીવલેણ જંતુ ફેલાવાનું જોખમ ઉભું થયું છે. આ જંતુ કોરોના જેટલું નાનું નથી બલકે મોટું છે. અમેરિકામાં પહેલીવાર એશિયાનું સૌથી મોટું હોર્નેટ જીવડું જોવા મળ્યું છે. તેને 'મર્ડર હોર્નેટ્સ' પણ કહેવામાં આવે છે.
મર્ડર હોર્નેટ 2 ઇંચથી વધુ લાંબા છે
તેમનો ડંખ એટલો ઝેરી હોય છે કે તે માનવ માંસને પીગાળી કરી શકે છે
CNNના અહેવાલ મુજબ વૈજ્ઞાનિકો કહે છે કે વોશિંગ્ટનમાં મર્ડર હોર્નેટ્સ જોવા મળ્યા છે. આ જંતુઓ મધમાખીને મારી નાખે છે અને મનુષ્ય માટે જીવલેણ પણ હોઈ શકે છે.
મધમાખી ઉછેર કરનારાઓએ જણાવ્યું છે કે તેઓએ એવી મરેલી મધમાખીઓ જોઈ જેમના માથા કપાયેલા હતા. વોશિંગ્ટન સ્ટેટ યુનિવર્સિટી ના નિષ્ણાંતના જણાવ્યા અનુસાર મર્ડર હોર્નેટ 2 ઇંચથી વધુ લાંબા છે અને તેને વિશ્વના સૌથી મોટા હોર્નેટ પણ કહેવામાં આવે છે. ઘણી વખત આ જીવજંતુના ડંખ મારવાથી મનુષ્યની પણ મોત થાય છે.
આ જંતુઓ મધપૂડા પર હુમલો કરીને થોડા જ કલાકોમાં બધી જ મધમાખીને મારી નાખે છે. મર્ડર હોર્નેટ્સનો ડંખ એટલો ઝેરી હોય છે કે તે માનવ માંસને પીગાળી કરી શકે છે.
મર્ડર હોર્નેટ્સ ડંખથી માણસોની નર્વસ સિસ્ટમ બંધ થઈ શકે છે. એલર્જીક રિએકશન થઈ શકે છે. જાપાનમાં સામાન્ય રીતે જોવા મળતા આ જંતુ દર વર્ષે ત્યાં 30 થી 40 લોકોનો જીવ લે છે.