અમેરિકા અને કેનેડામાં પ્રથમ વખત જોવા મળ્યા હોર્નેટ. એ બાદથી વૈજ્ઞાનિકોમાં ચિંતાનું મોજુ ફરી વળ્યું છે. આ વિશાળ જંતુઓ 'મર્ડર હોર્નેટ' તરીકે પણ ઓળખાય છે. તેઓ સામાન્ય રીતે પૂર્વ એશિયામાં જોવા મળે છે જ્યાં આને કારણે દર વર્ષે લગભગ 50 લોકો મૃત્યુ પામે છે.
હોર્નેટ કરડવાથી એશિયામાં દર વર્ષે લગભગ 50 લોકોના મોત થાય છે
આ ઝેરીલો હોય છે જેના કરડવાથી હાર્ટ એટેક લાવી શકે છે
મધમાખીઓને ખતરો, હજારો મધમાખીને કલાકોમાં ખતમ કરી નાંખે છે
પરંતુ, નવેમ્બર 2019 થી ઉત્તર અમેરિકાના પશ્ચિમ દરિયાકાંઠે આ હોર્નેટ ઘણી વખત જોવા મળ્યા છે. જો કે, તે હજી અહીં સ્પષ્ટ થયું નથી કે આ અહીં કેવી રીતે આવ્યા. એશિયન હોર્નેટનો આકાર મધમાખીના કદ કરતા બમણો હોય છે અને તેની પાંખ લગભગ ત્રણ ઇંચ હોય છે.
હોર્નેટ કરડવાથી હૃદયરોગનો હુમલો થવાનું જોખમ પણ છે
આ કૃમિના ડંખમાં ઝેર હોય છે જેમાં ન્યુરોટૉક્સિન હોય છે. હોર્નેટ ડંખને લીધે વ્યક્તિને હાર્ટ એટેક પણ આવે છે. ન્યૂ યોર્ક ટાઇમ્સના અહેવાલમાં મધમાખી ઉછેર કરનાર કોનરાડ બેરુબે જણાવ્યું છે કે તેણે તાજેતરમાં વેનકુવર આઇલેન્ડ પર મર્ડર હોર્નેટના હુમલાનો સામનો કર્યો હતો.
બેરુબે કહ્યું કે તેના કરડવાથી એવું લાગી રહ્યું છે કે જાણે કોઈ ખૂબ જ ગરમ સોય માંસની અંદર વીંઝીં રહી હોય. લોહિ લોહાણ પરિસ્થિતિમાં બેરૂબ ત્યાંથી છટકી શક્યો હતો. તે ભાગ્યશાળી હતો કે ઘણી વખત હોર્નેટ કરડ્યા છતાં પણ તે બચી ગયો હતો.
આ જંતુ મધમાખી માટે રોગચાળા જેવા છે
હોર્નેટ મનુષ્ય માટે જીવલેણ છે. આ માટે કીટવિજ્ઞાન નિષ્ણાંત (એન્ટોમોલૉજિસ્ટ)ને ચિંતા એ વાતની છે કે આ હોર્નેટ ઉત્તર અમેરિકામાં મધમાખીને ખતમ કરી શકે છે. આ જંતુઓ ખૂબ જ ઝડપી છે અને થોડા જ કલાકોમાં એક જગ્યાએ હાજર તમામ મધમાખીને મારી શકે છે. ગયા વર્ષે નવેમ્બરમાં, વૉશિંગ્ટનમાં એક મધમાખી ઉછેર કરનારને હજારો મધમાખી મરી ગયેલી મળી. તેણે કહ્યું હતું કે "હું સમજી શકતો ન હતો કે આ કોણ કરી શકે છે."
નવેમ્બર અને જુલાઈમાં એશિયન હોર્નેટ સક્રિય રહે છે
જુલાઈ અને નવેમ્બર મહિના દરમિયાન એશિયન હોર્નેટ એકદમ સક્રિય હોય છે. બાકીનો સમય તે જમીનની નીચે જાય છે. એન્ટોલોજિસ્ટ હવે તેના પર ધ્યાન રાખી રહ્યા છે જેથી હોર્નેટને શોધી શકાય. જેથી પ્રજનન કરી શકે અને પોતાની સંખ્યા વધારે તે પહેલા તેમને ખતમ કરી શકાય.
હોર્નેટ 20 માઈલ પ્રતિ કલાકની ઝડપે ઉડે છે
વોશિંગ્ટનના રાજ્ય કૃષિ વિભાગમાં એન્ટોમોલૉજિસ્ટ ક્રિય લૂની કહે છે કે આ અમારી માટે તક છે જો અમે આ હોર્નેટને અત્યારે નહીં રોકી શકીએ તો ભવિષ્યમાં ક્યારેય નહીં રોકી શકાય. લૂની હાલમાં વોશિંગ્ટનના જંગલો ફંફોળી રહ્યા છે. હોર્નેટ 20 માઈલ પ્રતિ કલાકની ઝડપે ઉડે છે.