ભારતીય હૉકી ટીમની ઐતિહાસિક જીત 26-0થી મેચ જીતીને તોડ્યો 86 વર્ષ જૂનો રેકોર્ડ

ભારતીય પુરુષ હોકી ટીમે એશિયન ગેમ્સમાં બુધવારે રમાયેલી મેચમાં હોંગકોંગને 26-0થી હરાવીને ઇતિહાસ રચી દીધો છે. પુરુષ હોકી ઈતિહાસમાં ભારતની આ સૌથી મોટી જીત છે. આ પહેલા ભારતે 1932ના ઓલિમ્પિકમાં અમેરિકાને 24-1થી હરાવ્યું હતું. આંતરરાષ્ટ્રીય હૉકીમાં સૌથી મોટી જીતનો રેકોર્ડ ન્યૂઝીલેન્ડના નામ પર દાખલ છે જેણે 1994માં સમોઆને 36-1 હરાવ્યુ હતુ.

રુપિંદર લલિત અને હરમનપ્રીતે કર્યા 4-4 ગોલ

ભારતના આકાશદીપ સિંહે બીજી મિનિટે જ મેચનો પહેલો ગોલ કર્યો. ત્યારબાદ ત્રીજી મિનિટમાં મનપ્રીત સિંહે ગોલ કર્યો. ભારત તરફથી રુપિંદરપાલ સિંહ હરમનપ્રીત સિંહ અને લલિત ઉપાધ્યાયે 4-4 ગોલ કર્યા. આકાશદીપ સિંહે 3 અને વરુણ કુમાર-મનપ્રીતસિંહે 2-2 ગોલ કર્યા. સુનીલ અને વિવેક સાગરે 1-1 ગોલ કર્યા.

બીજા હાફમાં ભારતે કર્યા 12 ગોલ

મેચના બીજા હાફમાં ભારતીય ટીમે પહેલાની અપેક્ષાની ઓછા ગોલ કર્યા પરંતુ 12 ગોલ કરીને ભારત 25-0થી આગળ થઈ ગયું હતું. આ એશિયન ગેમ્સમાં સૌથી મોટી જીતનો રેકોર્ડ છે.

સોમવારે ઇન્ડોનેશિયાને 17-0થી હરાવ્યું હતું

ભારતે સોમવારે મેજબાન ઇન્ડોનેશિયાને 17-0થી હરાવી પોતાના અભિયાનની ધમાકેદાર શરૂઆત કરી હતી. આ પણ એશિયન ગેમ્સમાં ભારતની કોઈ પણ ટીમ વિરુદ્ધ ભારતની સૌથી મોટી જીત હતી.