જકાર્તાઃ એશિયન ગેમ્સ 2018માં ભારતના ફાળે વધુ 2 મેડલ આવ્યા છે. 10 મીટર એર રાઈફલ શૂટિંગમાં ભારતને વધુ 2 મેડલ મળ્યા છે. જેમાં ભારતના 16 વર્ષીય સૌરભ ચૌધરીએ ગોલ્ડ મેડલ જીત્યો છે. આ સાથે ભારતે ત્રીજા દિવસે ત્રીજો ગોલ્ડ મેળવ્યો છે.
આ સિવાય આ સ્પર્ધામાં એક અન્ય નિશાનેબાજ અભિશેક વર્માએ બ્રોન્ઝ મેડલ જીત્યો છે. સૌરભે એશિયન ગેમ્સમાં આ સ્પર્ધાનો રેકોર્ડ તોડતા કુલ 240.7 પોઇન્ટ મેળવ્યા અને ગોલ્ડ જીત્યું. અભિષેકે ફાઇનલમાં ટોપ-3માં જગ્યા બનાવી અને અંતમા કુલ 219.3 પોઇન્ટ સાથે ત્રીજુ સ્થાન મેળવી બ્રોન્ઝ મેડલ જીત્યો હતો. જાપાનના મત્સુદા તોમોયુકીએ 239.7 પોઇન્ટની સાથે સિલ્વર મેડલ જીત્યું છે.
અત્યાર સુધીમાં ભારતના ખાતે 7 મેડલ આવી ચૂક્યા છે. સૌરભથી પટેલ કુશ્તીમાં બજરંગ પૂનિયા અને વિનેશ ફોગોટે ગોલ્ડ મેડલ મેળવ્યું છે. મેડલ ટેબલમાં ભારત અત્યારે 7માં સ્થાને છે.