ભારતના ઉત્તર પ્રદેશ રાજ્યમાં આવેલું છે અલીગઢ. પોતાની યુનિવર્સિટી માટે ધોરા માફી નામનું ગામ ખૂબ જ પ્રખ્યાત છે. આ ગામ સમગ્ર એશિયામાં જાણીતુ છે.
ધોરા માફી ગામ માત્ર ભારત જ નહીં પરંતુ સમગ્ર એશિયામાં સૌથી વધુ શિક્ષિત ગામ છે
ધોરા માફી ગામમાં લગભગ 10-11 હજાર લોકોની વસ્તી છે
આ ગામમાં 90 ટકાથી વધુ લોકો સાક્ષર છે
Asia Most Literate Village: સમગ્ર વિશ્વમાં ભારતનો ડંકો વાગી રહ્યો છે. આપણો દેશ તેની સંસ્કૃતિ, ખાણીપીણી, કલા અને ફિલ્મો માટે વિશ્વભરમાં પ્રખ્યાત છે. પરંતુ તમારી જાણકારી માટે જણાવી દઈએ કે, સાક્ષરતાના મામલામાં પણ ભારત કોઈથી પાછળ નથી. જી, હાં ઉત્તર પ્રદેશના અલીગઢ જિલ્લાના જવાન બ્લોકમાં આવેલું ધોરા માફી ગામ સમગ્ર એશિયામાં પ્રખ્યાત છે. વાસ્તવમાં, આ ગામ માત્ર ભારત જ નહીં પરંતુ સમગ્ર એશિયામાં સૌથી વધુ શિક્ષિત ગામ છે.
— Ministry of Panchayati Raj, Government of India (@mopr_goi) August 21, 2016
વર્ષ 2002માં ધોરા માફી નામના આ ગામનું નામ 'લિમ્કા બુક ઓફ રેકોર્ડ'માં સામેલ કરવામાં આવ્યું હતું. અહીં સાક્ષરતાનો દર 75 ટકાથી વધુ નોંધાયો હતો. આ ગામનું નામ ગીનીસ બુક ઓફ રેકોર્ડ સર્વે માટે પણ પસંદ કરવામાં આવ્યું હતું. ધોરા માફી ગામમાં પાકાં મકાનો, 24 કલાક વીજળી,પાણી અને ઘણી અંગ્રેજી માધ્યમની શાળાઓ (English Medium Schools) તથા કોલેજો છે. અહીંના લોકો ખેતીને બદલે નોકરી પર નિર્ભર છે.
એક અખબારમાં પ્રકાશિત થયેલા અહેવાલ મુજબ, ધોરા માફી ગામમાં લગભગ 10-11 હજાર લોકોની વસ્તી છે. ગામમાં 90 ટકાથી વધુ લોકો સાક્ષર છે. આ ગામના લગભગ 80 ટકા લોકો દેશભરમાં ઘણી મોટી પોસ્ટ પર પોસ્ટેડ છે. ગામના ઘણા લોકો ડોક્ટર, એન્જિનિયર, વૈજ્ઞાનિક, પ્રોફેસર અને IAS ઓફિસર બન્યા છે. ધોરા માફી ગામ અલીગઢ મુસ્લિમ યુનિવર્સિટીને અડીને આવેલું છે. તેથી જ ત્યાંના પ્રોફેસરો અને ડોક્ટરોએ ગામમાં પોતાના ઘર બનાવ્યા.
— TNT-The Northeast Today (@Tnt_Bulletin) April 2, 2016
ધોરા માફી ગામના લોકો ઘણા આત્મનિર્ભર અને શિક્ષિત છે. સાક્ષરતાની દ્રષ્ટિએ અહીંની મહિલાઓ પણ પુરૂષોની બરાબર છે. આ ગામના ડો.સિરાજ આઈએએસ ઓફિસર છે. આ સિવાય ગામના ફૈઝ મુસ્તફા એક યુનિવર્સિટીમાં વાઈસ ચાન્સેલર રહી ચૂક્યા છે. ગામના રહેવાસી ડૉ. શાદાબ બાનો એએમયુમાં પ્રોફેસર છે. આ સિવાય ડૉ.નઈમા ગુરેજ પણ AMUમાં ભણાવે છે. ગામનો મોટો વર્ગ વિદેશમાં પણ વસે છે.