કીડીઓનું ઘર / ગુજરાતથી 100km દૂર અહીં આવેલું છે મોટી કીડીઓનું શહેર, 150 વીઘા જમીનમાં છે કરોડો કીડીઓ

• રાજસ્થાનમાં નિમ્બાવાસનું કીડીનગર એશિયામાં સૌથી મોટુ કીડીનગર
• કીડીઓનું શહેર લગભગ દોઢસો વીઘામાં ફેલાયેલુ છે
• દાણા ખવડાવવામાં દરરોજ ચાર ક્વિન્ટલ અનાજનો થાય છે વપરાશ 

જાલૌરના ભીનમાલ શહેરથી 13 કિલોમીટર દૂર

જાલૌરના ભીનમાલ શહેરથી 13 કિલોમીટર દૂર સ્થિત નિમ્બાવાસ ગામની બહાર બોર્ડર છે, ગામમાં કીડીનુ નગર હોવાની જાણકારી મળી અને કીડીનગર સંબંધિત માહિતી લખી છે. નિમ્બાવાસ ગામમાં ગોચર ભૂમિ પર બનેલા કીડીઓના શહેર સાથે ગ્રામજનોને ખાસ સંબંધ છે. ગામના ભામાશાહોએ અહીં કીડીઓ માટે અનાજ મુકવા અને દાણા રાખવાની સંપૂર્ણ તૈયારી કરી છે. 

કીડીઓના શહેરને ચારેય તરફથી કિલ્લેબંધી કરાઈ

નિમ્બાવાસના આ કીડીઓના શહેરને ચારે તરફથી કિલ્લેબંધી કરવામાં આવી છે. અહીં કીડીઓ માટે રાખવામાં આવતુ અનાજ, ચુરમૂ, ખાંડ, દાળીયા, બિસ્કીટ વગેરે સામગ્રી ખાવા માટે બીજુ કોઈ પ્રાણી પ્રવેશ કરી ના શકે. કીડીઓને લોટ નાખવા માટે દર પૂનમે અને અમાસે મેળા જેવો માહોલ થાય  છે. અહીં કીડીઓને લોટ નાખવા માટે ઝાલોર જિલ્લા સિવાય મારવાડ ક્ષેત્રમાંથી શ્રદ્ધાળુઓ આવે છે. અંદાજે દોઢસો વીઘા ક્ષેત્રમાં તમને માત્ર કીડીઓ જ દેખાશે. આ જગ્યાએ દરરોજ લગભગ ચાર ક્વિન્ટલ અનાજનો જથ્થો વપરાય છે.

કીડીઓને ખવડાવવામાં મહિલાઓનો વધુ ધસારો

સવારથી લઇને સાંજ સુધી ફક્ત અહીં લોકો કીડીઓને લોટ અને દાણા ખવડાવે છે. અહીં આવતા શ્રદ્ધાળુઓમાં મહિલાની સંખ્યા વધુ હોય છે. કીડીઓને કીડીયારુ પૂર્યા સિવાય મહિલાઓ ભજન-કીર્તન પણ કરે છે. અહીં આવતા શ્રદ્ધાળુઓમાં સિરોહી, બાડમેર, પાલી જિલ્લાના લોકોનો પણ સમાવેશ થાય છે. લોકો જેવા આ સ્થળ અંગે સાંભળે છે કે તરત ત્યાં પહોંચીને કીડીઓને દાણા ખવડાવવા માટે આતુર રહે છે.