Asia Cup T-20: બાંગ્લાદેશે 3 વિકેટથી ભારતને હરાવીને જીત્યુ ટાઇટલ

મહિલા એશિયા કપ T-20 ફાઇનલમાં બાંગ્લાદેશે ભારતને 3 વિકેટથી હરાવીને પહેલી વખત આ ટાઇટલ મેળવ્યું છે. ભારત સતત 7મી વખત ફાઇનલમાં પહોંચ્યું હતું પરંતુ તેને પહેલીવાર હારનો સામનો કરવો પડ્યો. 113 રનના લક્ષ્યને બાંગ્લાદેશે 7 વિકેટના નુકસાન પર 20 ઓવરમાં હાંસલ કરી લીધું. તેના પહેલા ટોસ જીતીને બાંગ્લાદેશે પહેલા બોલિંગનો નિર્ણય કર્યો. ભારતે કેપ્ટન હરમનપ્રીત કૌરના 56 રનની મદદથી 20 ઓવરમાં 112 રન બનાવ્યા. 

પૂનમ યાદવે લીધી શરૂઆતની 4 વિકેટ

- ભારતની સ્પિન બોલર પૂનમ યાદવે બાંગ્લાદેશના ત્રણ શરૂઆતના બેટ્સમેનોને પેવેલિયનમાં પાછા મોકલ્યા. તેમણે શમીમા સુલ્તાનાને 16 એ. રહેમાનને 17 ફરઝાના હકને 11 અને નિઝાર સુલ્તાનાને 27 રન પર આઉટ કરી.

- ભારતની ફાસ્ટ બોલર શિખા પાંડેયના પગમાં ઇજા થવાને કારણે તે ફક્ત 4 બોલ જ નાખી શકી અને તેને મેચની બહાર થવું પડ્યું.

ફાઇનલમાં ન ચાલી મિતાલી-મંધાના:

- પહેલા બેટિંગ કરવા ઉતરેલી ભારતીય ટીમની શરૂઆત ખરાબ રહી. ઓપનર મિતાલી રાજ 11 અને સ્મૃતિ મંધાના 7 રન બનાવીને આઉટ થઇ ગઇ. તે બંને પછી દીપ્તિ શર્મા 7 અને અનુજા પાટિલ 3 રન જ બનાવી શકી. ભારતની 50 રન સુધીમાં જ 4 વિકેટ પડી ગઇ. અનુજાને અમ્પાયરે રનઆઉટ કરવા માટે ફેંકવામાં આવેલા થ્રોની વચ્ચે જાણીજોઇને આવવા માટે ઓબસ્ટ્રક્ટ ફિલ્ડ ઠરાવી. તેને પેવેલિયનમાં પાછું જવું પડ્યું.

- હરમનપ્રીતે 42 બોલમાં 56 રનની શાનદાર ઇનિંગ્સ રમી પરંતુ અન્ય બેટ્સમેનનો સાથ ન મળવાને કારણે ટીમ મોટો સ્કોર ન કરી શકી. બાંગ્લાદેશની ખાદિજા તૂલ કૂબરા અને રૂમાના અહમદે 2-2 વિકેટ લીધી.

6 વખત ફાઇનલમાં જીતી છે ભારતીય ટીમ:
રેકોર્ડ 7મી વખત ફાઇનલમાં ભારતીય ટીમ પહોંચી. માત્ર સાતમી ફાઇનલમાં તેને હાર મળી છે. આ પહેલા ભારતીય મહિલા ટીમે 6 વખત ફાઇનલમાં 4 વખત શ્રીલંકા અને 2 વખત પાકિસ્તાન હરાવ્યું.