એશિયા કપમાંથી બહાર થયો આ ગૂજ્જૂ પ્લેયર દીપક ચાહરને મળશે મોકો

ટીમ ઇન્ડિયાનો ઑલરાઉન્ડર હાર્દિક પંડ્યા ઇજાગ્રસ્ત થયો જેના કારણે હવે તે એશિયા કપમાં નહીં રમે. હાર્દિક પંડ્યાની જગ્યાએ દીપક ચાહરને ટીમમાં શામેલ કરવામાં આવ્યો છે. 

ગઇ કાલે ટીમ ઇન્ડિયા અને પાકિસ્તાન વચ્ચે રમાયેલી મેચ દરમિયાન જ્યારે પાકિસ્તાનની ઇનિંગ દરમિયાન 17મી ઓવરમાં ફેંકી રહેલા હાર્દિક પંડ્યા ઇજાગ્રસ્ત થઇ ગયો હતો તે એટલી ગંભીર રીતે ઘાયલ થયો હતો કે તેને સ્ટ્રેચર પર ગ્રાઉન્ડની બહાર લઇ જવાયો ત્યારથી જ કહેવાઇ રહ્યુ હતુ કે તે ફરી આ ટૂર્નામેન્ટ નહીં રમી શકે.  

ઉલ્લેખનીય છે કે ઇનિંગની 17મી ઓવર ફેંકી રહેલો હાર્દિક ઓવરનો પાંચમો બોલ ફેંક્યા પછી પોતાનું બેલેન્સ ગુમાવી દેતા તે પિચ પર પડી ગયો. તેને પિચ પર પડેલો જોઇ બેટિંગ કરી રહેલા શોએબ મલિક અને બાબર આઝમે તેને સપોર્ટ આપ્યો હતો. કોમેન્ટેટરે જણાવ્યુ કે ''તેના થાપાના ભાગમાં ખેંચ આવી ગઇ છે. બાદમાં મેડિકલ સ્ટાફ મેદાન પર પહોંચી ગયો પણ હાર્દિક ઉભો થઇ શક્યો નથી જેથી તેણે સ્ટ્રેચર પર સુવાડી બહાર લઇ જવાયો. ઓવરનો બાકી રહેલો એક બોલ અંબાતી રાયડૂએ ફેંક્યો. જોકે BCCIએ ટ્વીટ કર્યુ કે ''હાર્દિક પંડ્યાની કમરમાં ઇજા થઇ છે. ''