વિશ્વભરના ક્રિકેટ પ્રશંસકો અત્યારે 27 ઓગષ્ટથી શરૂ થતા એશિયા કપની રાહ જોઇ રહ્યાં છે. આ મેચ દરમ્યાન વિશ્વના બે સૌથી મહાન બેટર વિરાટ કોહલી અને બાબર આઝમ વચ્ચે જંગ જોવા મળશે.
27 ઓગષ્ટથી થાય છે એશિયા કપની શરૂઆત
વિશ્વના બે સૌથી મહાન બેટર વિરાટ-આઝમ વચ્ચે જામશે જંગ
વિરાટ અને બાબરમાંથી કોણ છે એશિયાનો સૌથી મોટો બેટર?
2022માં આવુ રહ્યું આ બે ખેલાડીઓનું પ્રદર્શન
જો ટી-20માં બંને ખેલાડીઓના આ વર્ષના પ્રદર્શનને જોઈએ તો વિરાટ અને બાબર કોઈ ખાસ પ્રદર્શન કરી શક્યા નથી. જ્યાં વિરાટે 4 મેચમાં આ વર્ષે માત્ર 81 રન બનાવ્યાં છે. તો બાબરે 2022માં એક ટી-20 મેચ રમી છે અને તેમાં 66 રન બનાવ્યાં. વિરાટ પાસે એશિયા કપમાં વાપસીની આશા રહેશે.
પાકિસ્તાન સામે વિરાટનો રેેકોર્ડ
પાકિસ્તાન સામે વિરાટની બેટીંગ હંમેશા સારી રહી છે. ગયા વર્ષે ટી-20 વર્લ્ડ કપમાં વિરાટ જ એક એવા બેટર હતા. જેણે પાકિસ્તાન સામે ધમાકેદાર બેટીંગ કરી હતી. વિરાટે પાકિસ્તાન સામે 7 ટી-20 મેચમાં 77ની એવરેજથી 311 રન ફટકાર્યા છે. તો તેમણે આ દરમ્યાન ત્રણ અર્ધસદી ફટકારી છે.
ભારત સામે બાબરનો રેકોર્ડ
તો બાબર આઝમે ભારતની સામે માત્ર એક ટી-20 મેચ રમી છે. આ મેચ ગયા વર્ષે ટી-20 વર્લ્ડ કપની હતી. જ્યાં બાબરે અણનમ 68 રનની ઈનિંગ રમી હતી. આ વર્ષે એશિયા કપમાં બાબરને રોકવો ભારતીય ટીમ માટે મોટો પડકાર હશે.
ટી-20માં અત્યાર સુધીમાં બંનેનુ પ્રદર્શન
જો ટી-20 ક્રિકેટમાં ઓવર ઓલ પ્રદર્શનની વાત કરીએ તો વિરાટ કોહલી બાબર આઝમથી થોડો આગળ છે. વિરાટે 99 ટી 20 મેચ અત્યાર સુધી રમી છે અને આ દરમ્યાન તેની બેટીંગથી 3308 રન માર્યા છે. વિરાટની સરેરાશ 50થી ઉપરની છે. તો વિરાટ 137ના શાનદાર સ્ટ્રાઈક રેટથી બેટીંગ કરે છે. બીજી વખત બાબરની વાત કરીએ તો તેણે અત્યાર સુધી કુલ 74 ટી–20 રમી છે. જેમાં તેની બેટીંગથી 2686 રન માર્યા છે. તેનો સ્ટ્રાઈક રેટ 129નો છે. જ્યારે તેની બેટીંગ એવરેેજ 45ની છે.