ભારત-પાકિસ્તાનના આ હાઈવોલ્ટેજ મેચ પહેલા વિરાટ કોહલી સ્પેશ્યલ સ્ટાઈલમાં ટ્રેનિંગ કરતો જોવા મળ્યો હતો.
આવતી કાલે ભારત પાકિસ્તાન મેચ
મેચ પહેલા કોહલીની ટ્રેનિંગનો વીડિયો વાયરલ
હાઈ એલ્ટિટ્યૂડ માસ્ક' સાથે દોડતો નજર આવ્યો કોહલી
એશિયા કપ 2022માં ટીમ ઈન્ડિયાએ બે મેચ જીતીને સુપર 4માં તેની જગ્યા બનાવી લીધી છે. ટીમ ઈન્ડિયાનો પહેલો મેચ પાકિસ્તાન સાથે હતો અને બીજો મેચ હોંગકોંગ સાથે હતો. એ બંને મેચ જીતીને હવે ટીમ ઈન્ડિયા 4 સપ્ટેમ્બર એટલે કે આવતી કાલના ફરી પાકિસ્તાન સામે મેચ રમવા જઈ રહી છે. ભારત-પાકિસ્તાનના આ હાઈવોલ્ટેજ મેચ પહેલા વિરાટ કોહલી સ્પેશ્યલ સ્ટાઈલમાં ટ્રેનિંગ કરતો જોવા મળ્યો હતો.
Virat Kohli using high altitude mask during cardio training. A technique used by elite athletes, especially long distance runners to strengthen their lungs and breathing muscles. pic.twitter.com/FV3RY3Rmo7
વિરાટ કોહલીની વાપસી
જણાવી દઈએ કે વિરાટ કોહલીએ એશિયા કપમાં એક મહિનાના વિરામ પછી વાપસી કરી છે. ઈંગ્લેન્ડ ટુર પછી વિરાટે સિલેક્ટરો પાસેથી આરામ કરવાની માંગ કરી હતી.એશિયા કપમાં પરત ફર્યા પછી કોહલીએ પાકિસ્તાન સામેની પ્રથમ મેચમાં રન ચેઝ દરમિયાન 35 રનની ઇનિંગ રમી હતી, અને હોંગકોંગ સામે અડધી સદી ફટકારી હતી.
ટ્રેનિંગનો વીડિયો વાયરલ
પાકિસ્તાન સામે 4 સપ્ટેમ્બરની મેચ પહેલા કોહલીનો એક વીડિયો સામે આવ્યો છે જેમાં તે 'હાઈ એલ્ટિટ્યૂડ માસ્ક' સાથે દોડતો જોવા મળી રહ્યો છે. જણાવી દઈએ કે આ માસ્ક ફેફસાની ક્ષમતાને વિસ્તૃત કરવામાં અને સુધારવામાં મદદ કરે છે અને તેનાથી ફેફસાની સ્ટેમિના પણ સુધરે છે.હાલ તેનો આ વિડીયો સોશ્યલ મીડિયા પર ખૂબ જ વાયરલ થઈ રહ્યો છે.
Virat Kohli using a high-altitude mask during cardio training today
This man's dedication is next level
He is a truly inspiration for younger generation pic.twitter.com/hm2XnUq3JD
UAEની કાળઝાળ ગરમીમાં આ ટ્રેનિંગ કોહલીને મેદાનમાં અન્ય ખેલાડીઓ કરતાં વધુ ફ્રેશ રાખવામાં મદદ કરી શકે છે.વિરાટ કોહલીએ તેની આ ટ્રેનિંગ નેટ સેશન પૂરું થયા પછી કરી હતી. સાથે જ વીડિયોમાં જોવા મળી રહ્યું છે કે વિરાટ કોહલી સપોર્ટ સ્ટાફની દેખરેખમાં આ ટ્રેનિંગ કરી રહ્યા છે.
ભારત-પાકિસ્તાન
સુપર 4માં ભારતની પ્રથમ મેચ 4 સપ્ટેમ્બરે પાકિસ્તાન સામે છે એ પછી 6 સપ્ટેમ્બરે શ્રીલંકા સામે અને 8 સપ્ટેમ્બરે અફઘાનિસ્તાન સામે છે. જો ટીમ ઈન્ડિયા ત્રણમાંથી બે મેચ પણ જીતી જાય તો ફાઇનલમાં પહોંચવાની શક્યતા ઘણી વધી જશે. ટૂર્નામેન્ટની ફાઈનલ મેચ 11 સપ્ટેમ્બરના રોજ દુબઈ ઈન્ટરનેશનલ ક્રિકેટ સ્ટેડિયમમાં રમાશે.