શ્રીલંકાની આ જીતમાં પાકિસ્તાનના શાદાબ ખાને શ્રીલંકાના હીરો ભાનુકા રાજપક્ષેને એકવાર નહીં પણ બે વાર જીવનદાન આપીને પોતાની ટીમ માટે મુશ્કેલી વધારી દીધી હતી.
શ્રીલંકાની અડધી ટીમ માત્ર 58 રનમાં પેવેલિયનમાં સમેટાઈ ગઈ હતી
પાકિસ્તાનના શાદાબ ખાને બે કેચ છોડ્યા
હું આ હારની જવાબદારી લઉં છું. મેં મારી ટીમને નિરાશ કરી - શાદાબ
એશિયા કપ 2022ના ફાઇનલ મુકાબલામાં શ્રીલંકાએ પાકિસ્તાનને 23 રનથી હરાવ્યું હતું. ટૉસ હારીને બેટિંગ કરવા ઉતરેલી શ્રીલંકાની ટીમે શરૂઆત સારી નહોતી કરી, તેમણે એક સમયે 58 રન પર 5 વિકેટ ગુમાવી દીધી હતી. શ્રીલંકાની અડધી ટીમ માત્ર 58 રનમાં પેવેલિયનમાં સમેટાઈ ગઈ હતી અને તે પછી વાનિંદુ હસારંગા અને ભાનુકા રાજપક્ષેએ 58 રનની ભાગીદારી કરી શ્રીલંકાને સંકટથી બહાર કાઢ્યું હતું.
પાકિસ્તાન ઓલ આઉટ
હસારંગાએ 21 બોલમાં 36 રનની ઇનિંગ રમી જેમાં 5 ચોગ્ગા અને 1 છગ્ગો સામેલ હતો. હસારંગાના આઉટ થયા બાદ પણ રાજપક્ષેએ તોફાની બોટિંગ શરૂ રાખી જેને લઇને શ્રીલંકાએ 6 વિકેટ પર 170 રન બનાવ્યા હતા. ભાનુકા રાજપક્ષેએ 45 બોલ પર 71 રન બનાવીને અણનમ રહ્યા હતા. આ દરમિયાન તેમણે 6 ચોગ્ગા અને 3 છગ્ગા લગાવ્યા. શ્રીલંકાએ પાકિસ્તાનને જીત માટે 171 રનનો ટાર્ગેટ આપ્યો હતો. જેના જવાબમાં પાકિસ્તાન 20 ઓવરમાં 147 રન જ કરી શક્યું હતું. શ્રીલંકાએ પાકિસ્તાનને ઓલ આઉટ કરીને ભવ્ય વિજય મેળવ્યો હતો.આ જીત સાથે શ્રીલંકાએ છઠ્ઠી વખત એશિયા કપનો ખિતાબ જીત્યો હતો.
શાદાબ ખાને માફી માંગી
શ્રીલંકાની આ જીતમાં પાકિસ્તાનના શાદાબ ખાને શ્રીલંકાના હીરો ભાનુકા રાજપક્ષેને એકવાર નહીં પણ બે વાર જીવનદાન આપીને પોતાની ટીમ માટે મુશ્કેલી વધારી દીધી હતી. જો કે મેચ સમાપ્ત થયા પછી તેણે પોતાની ભૂલો માટે પાકિસ્તાન પાસે માફી પણ માંગી હતી. મેચ પૂરી થયાના થોડા સમય પછી શાબાદે જાહેરમાં પોતાની ભૂલ સ્વીકારી હતી અને ચાહકોની માફી માંગી હતી. ફેસબુક પર માફી માંગતા શાદાબ ખાને લખ્યું, 'મેચ કેચ દ્વારા જીતવામાં આવે છે. હું આ હારની જવાબદારી લઉં છું. મેં મારી ટીમને નિરાશ કરી. નસીમ, હરિસ, નવાઝના રૂપમાં અમારું સમગ્ર બોલિંગ આક્રમણ શાનદાર હતું. રિઝીના (મોહમ્મદ રિઝવાન) ભાઈએ સખત સંઘર્ષ કર્યો. આખી ટીમે તેની પૂરતી કોશિશ કરી હતી. શ્રીલંકાને જીત પર અભિનંદન.'
Catches win matches. Sorry, I take responsibility for this loss. I let my team down. Positives for team, @iNaseemShah, @HarisRauf14, @mnawaz94 and the entire bowling attack was great. @iMRizwanPak fought hard. The entire team tried their best. Congratulations to Sri Lanka pic.twitter.com/7qPgAalzbt
શાબાદ ખાન માટે ખરાબ દિવસ
પાકિસ્તાની ખેલાડી શાદાબ ખાન માટે એશિયા કપની આ ફાઈનલ મેચ કોઈ ખરાબ સપનાથી ઓછી ન હતી. શાદાબનો ખરાબ દિવસ ત્યારે શરૂ થયો જ્યારે તે એક ઓવરથ્રોને રોકવાની કોશિશ કરતી વખતે પોતાની જાત પરથી નિયંત્રણ ગુમાવીને અને જમીન પર લપસી ગયો હતો.
બે કેચ છોડ્યા
એક સમય એવો હતો જ્યારે મેચ પાકિસ્તાનના નિયંત્રણમાં જણાતી હતી પણ એ સમયે શાદાબ ખાને 18મી ઓવરમાં હારીસ રૌફના ત્રીજા બોલ પર ભાનુકા રાજપક્ષેનો એક ખૂબ જ મહત્વપૂર્ણ કેચ છોડ્યો હતો. તે સમયે ભાનુકા રાજપક્ષે 45 રન પર રમી રહ્યા હતા. જો કે એ પછી શાબાદે બીજો એક કેચ પણ છોડ્યો હતો. બીજો કેચ પકડતી વખતે તેના સાથી ખેલાડી આસિફ અલી સાથે ટકરાયો હતો. આ ઘટના ઇનિંગની 19મી ઓવરમાં બની હતી.