IPLIN
 
  • Home
  • Sports
  • Cricket
  • Asia Cup 2022 India vs pakistan t20i cricket score updates virat kohli babar azam rohit sharma

એશિયા કપ / IND vs PAK: પાકિસ્તાનને 5 વિકેટથી હરાવીને ભારતે મેળવી ભવ્ય જીત, PM મોદીએ પાઠવી શુભેચ્છા

Team VTV 11:41 PM, 28 Aug 22 | Updated: 11:56 PM, 28 Aug 22
Follow us
Asia Cup 2022 India vs pakistan t20i cricket score updates virat kohli babar azam rohit sharma

ભારત અને પાકિસ્તાન વચ્ચે એશિયા કપના મહામુકાબલામાં રોમાંચક જંગની આશા છે. ભારતીય ટીમે ટૉસ જીતીને પહેલા બોલિંગ કરવાનો નિર્ણય લીધો હતો. પાકિસ્તાને 148 રનનો ટાર્ગેટ આપ્યો હતો. જેનો પીછો કરતા ભારતે ભવ્ય જીત મેળવી છે.

  • એશિયા કપની ટી-20 મેચમાં ભારત અને પાકિસ્તાન ટકરાયા
  • પહેલા બેટિંગ કરીને પાકિસ્તાને બનાવ્યાં 147 રન
  • ભારતીય બોલર ભુવનેશ્વર કુમારે સૌથી વધારે લીધી 4 વિકેટ 

દુબઈના ઈન્ટરનેશનલ સ્ટેડિયમમાં રમાયેલી ટી-20 મેચમાં ભારતે તેની ઘાતક બોલિંગને કારણે તેના કટ્ટર પ્રતિસ્પર્ધી પાકિસ્તાનને 147 રનમાં સમેટી નાખ્યું હતું. ટોસ હારીને પહેલા બેટિંગ કરવા ઉતરેલી પાકિસ્તાની ટીમને ભારતે 19.5 ઓવરમાં ઓલઆઉટ કરાવી દીધું હતું. ભારત વતી ભુવનેશ્વર કુમારે વિકેટનો ચોગ્ગો લગાવી દીધો હતો. ભારતીય કેપ્ટન રોહિત શર્માએ ટોસ જીતીને બોલિંગનો નિર્ણય લીધો હતો. બેટિંગ કરવા ઉતરેલી પાકિસ્તાની ટીમને 15 રન પર પહેલો ઝટકો લાગ્યો હતો. ભારતીય બોલર ભુવનેશ્વરે પાકિસ્તાની કેપ્ટન અને સ્કીપર બાબર આઝમને 10 રને આઉટ કરી દીધો હતો. ત્યાર બાદ આવેશખાને ફકર જમાનને પણ પેવેલિયન ભેગો કરી દીધો હતો. 

મહામુકાબલાની LIVE અપડેટ્સ...

હાર્દિકે અપાવી જીત
ભારતે શાનદાર પર્ફોમન્સ કરતા પાકિસ્તાનને 5 વિકેટથી હરાવી દીધું છે. 148 રનના ટાર્ગેટને ભારતીય ટીમે 19.4 ઓવરમાં જ હાંસલ કરી લીધો. હાર્દિક પંડ્યાએ નવાઝના બોલ પર છગ્ગો લગાવીને ભારતને જીત અપાવી. હાર્દિક 33 રન બનાવીને અણનમ રહ્યા. ત્યારે કોહલી અને જાડેજા 33-33 રનોનું યોગદાન આપ્યું.

IND vs PAK : ભારતે લીધો બદલો! એશિયા કપમાં પાકિસ્તાનને 5 વિકેટથી હરાવીને ભારતે મેળવી ભવ્ય જીત

પ્રધાનમંત્રી નરેન્દ્ર મોદીએ ભારતની જીત પર શુભેચ્છા પાઠવી છે. પીએમ મોદીએ લખ્યું કે, એશિયા કપ 2022ની આજની મેચમાં ભારતે અદભૂત ઓલરાઉન્ડ પ્રદર્શન કર્યું. ટીમે શાનદાર કૌશલ્ય અને દૃઢતા દર્શાવી છે, જીત પર અભિનંદન.

ભારતને ચોથો ઝટકો, સૂર્યકુમાર યાદવ 18 રન બનાવીને આઉટ
ભારતની ચોથી વિકેટ પડી છે. સૂર્યકુમાર યાદવે નસીમ શાહને બોલ્ડ આઉટ કર્યો છે. સૂર્યકુમાર યાદવે 18 રન બનાવ્યા છે. ભારતનો સ્કોર હવે ચાર વિકેટ પર 89 રન છે. 14.2 ઓવર્સનો ખેલ ખતમ થઇ ચૂક્યો છે. રવિન્દ્ર જાડેજા અને હાર્દિક પંડ્યા ક્રિઝ પર છે.

ભારતને ત્રીજો મોટો ઝટકો, વિરાટ કોહલી 35 રને આઉટ
ભારતીય ટીમને મોટો ઝટકો લાગ્યો છે. વિરાટ કોહલી 35 રન બનાવીને આઉટ થઇ ગયા છે. વિરાટને મોહમ્મદ નવાઝે ઇફ્તિખાર અહમદના હાથે કેચ આઉટ કરાવ્યો. કોહલી મોટો શૉટ રમવા ઇચ્છતા હતા પરંતુ ટાઇમિંગ યોગ્ય ન રહ્યું અને તેઓ કેચ આઉટ થઇ ગયા. સૂર્યકુમાર યાદવ અને રવિન્દ્ર જાડેજા ક્રિઝ પર છે.

ભારતને બીજો મોટો ઝટકો, રોહિત શર્મા 12 રને આઉટ
કેપ્ટન રોહિત શર્મા મોટો શૉટ રમવાના ચક્કરમાં આઉટ થઇ ગયા છે. રોહિતને મોહમ્મદ ઇફ્તિખાર અહમદના હાથે કેચ આઉટ કરાવ્યો. રોહિતે 12 રનની ઇનિંગ રમી.

કોહલીનો કેચ ડ્રોપ
વિરાટ કોહલીને જીવનદાન મળ્યું છે. નસીમ શાહના બૉલ પર વિરાટનો એક કેચ બીજી સ્લિપમાં ઉભેલા ફખર જમાને ચૂકવી દીધો. હવે જોવાનું રહ્યું કે, કોહલી આ જીવનદાનનો કેટલો ફાયદો ઉઠાવે છે.

ભારતની પહેલી વિકેટ પડી, કે.એલ. રાહુલ આઉટ
ભારતીય ટીમની શરૂઆત ખુબ ખરાબ નજરે પડી રહી છે. કે.એલ. રાહુલ પહેલી જ ઓવરના બીજા બોલ પર બોલ્ડ થઇ ગયો. રાહુલને નસીમ શાહે આઉટ કર્યો. તે પોતાનું ખાતુ પણ ન શક્યો.

પાકિસ્તાન 19.5 ઓવરમાં 147 રનમાં ઓલઆઉટ

ભારતીય બોલરની ઘાતક બોલિંગની સામે પાકિસ્તાન ઘૂંટણીયે પડી ગયું હતું. પાકિસ્તાન 19.5 ઓવરમાં 147 રનમાં ઓલઆઉટ થઈ ગયું હતું. 

પાકિસ્તાનની સાતમી વિકેટ પડી, અર્શદીપ સિંહે નવાઝને કર્યો આઉટ 
ભારતીય બોલરની ઘાતક બોલિંગની સામે પાકિસ્તાની ક્રિકેટરો દબાણમાં આવ્યાં છે. અર્શદીપ સિંહે નવાઝને આઉટ કર્યો હતો. પાકિસ્તાની ટીમની સાતમી વિકેટ પડી છે. 

હાર્દિક પંડ્યાએ મોહમ્મદ રિઝવાને કર્યો આઉટ
હાર્દિક પંડ્યાએ મોહમ્મદ રિઝવાનને આઉટ કર્યો હતો. રિઝવાને 43 રન બનાવ્યાં હતા. 

પ્લેઇંગ ઇલેવનમાં ઋષભ પંત, અશ્વિન, બિશ્નોઈ અને હુડ્ડાને જગ્યા ન મળી. ભારતીય ટીમ ગત વખતની હારનો બદલો લેવા માટે ઉત્સુક છે. ટીમ ઇન્ડિયામાં વિરાટ કોહલી, રોહિત શર્મા, ભુવનેશ્વર કુમાર, દિનેશ કાર્તિક જેવા ધુરંધર પ્લેયર્સ હાજર છે. ત્યારે, પાકિસ્તાની ટીમ પણ બાબર, રિઝવાન, હારિસ રઉફ જેવા ખેલાડીઓથી સજ્જ છે. તેવામાં આ મુકાબલામાં બન્ને ટીમો વચ્ચે ખરાખરીનો જંગ જોવા મળી રહ્યો છે.

પાકિસ્તાનને બીજો ઝટકો, જમાન પેવેલિયન ફર્યો

પાકિસ્તાનને બીજો ઝટકો લાગી ચૂક્યો છે. ફખર જમાં પેવેલિયન પરત ફર્યા છે. જમાન(10 રન)ને આવેશ ખાને આઉટ કર્યા છે. જમાન બોલને સ્કૂપ કરવા ઇચ્છતા હતા પરંતુ વિકેટકીપર કાર્તિકના હાથમાં પહોંચી.

પાકિસ્તાનની પહેલી વિકેટ પડી, ભુવનેશ્વરે કર્યો કમાલ

પાકિસ્તાનને પહેલો ઝટકો લાગી ચૂક્યો છે. કેપ્ટન બાબર આઝમ પેવેલિયન પરત ફર્યા છે. બાબરને ભુવનેશ્વર કુમારે આઉટ કર્યો છે. બાબર પુલ શૉટ રમવાના ચક્કરમાં અર્શદીપસિંહને કેચ આપી બેઠા. બાબરે 2 ચોગ્ગાની મદદથી 10 રન બનાવ્યા.

પાકિસ્તાનની બેટિંગ શરૂ
પાકિસ્તાની ટીમની બેટિંગ શરૂ થઇ ચૂકી છે. બાબર આઝમ અને મોહમ્મદ રિઝવાન ક્રિઝ પર ઉતર્યા છે. ભારત તરફથી પહેલી ઓવર ભુવનેશ્વર ફેંકી રહ્યા છે. મેચના બીજા બોલ પર જ મોહમ્મદ રિઝવાન આઉટ થવાથી બચી ગયા. રિઝવાનને અમ્બાયરે LBW આપ્યો હતો, જ્યારબાદ તેમનો રિવ્યૂ લેવાયો. રિવ્યૂમાં બોલ વિકેટને મિસ કરી રહી હતી.

ભારતની પહેલા બોલિંગ
ભારતીય ટીમે ટૉસ જીતીને પહેલા બોલિંગ કરવાનો નિર્ણય લીધો છે. ભારતીય ટીમમાં ઋષભ પંતને જગ્યા ન મળી. સાથે જ ત્રીજા બોલર તરીકે આવેશ ખાનને સ્થાન મળ્યું છે.

ભારતની પ્લેઈંગ ઈલેવન
ભારત: રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, દિનેશ કાર્તિક, હાર્દિક પંડ્યા, રવિન્દ્ર જાડેજા, યુઝવેન્દ્ર ચહલ, ભુવનેશ્વર કુમાર, અર્શદીપ સિંહ, અવેશ ખાન.

પાકિસ્તાનની પ્લેઈંગ ઈલેવન
પાકિસ્તાન (પ્લેઈંગ ઈલેવન): બાબર આઝમ (કેપ્ટન), મોહમ્મદ રિઝવાન (વિકેટમાં), ફખર જમાં, ઈફ્તિખાર અહેમદ, ખુશદિલ શાહ, આસિફ અલી, શાદાબ ખાન, મોહમ્મદ નવાઝ, નસીમ શાહ, હરિસ રૌફ, શાહનવાઝ દહાની.

ચોથી વખત પાકિસ્તાનને હરાવવાની તક
દુબઈમાં ભારત-પાકિસ્તાન વચ્ચે મેચ છે. ત્યારે એશિયા કપમાં સળંગ ચોથી વખત પાકિસ્તાનને હરાવવાની તક છે. ભારત-પાકિસ્તાન વચ્ચે 9 વખત T-20 મેચ રમાઈ છે. 9માંથી 7 મેચમાં ભારતે પાકિસ્તાનને માત આપી છે.

asia cup 2022 India pakistan એશિયા કપ 2022 ભારત પાકિસ્તાન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ