ભારતીય ટીમે ટી 20 એશિયા કપમાં શાનદાર શરૂઆત કરી છે. ટીમે ગ્રુપ રાઉન્ડના બંને મુકાબલા જીતીને સુપર-4માં જગ્યા બનાવી લીધી છે. ભારત સુપર-4ની પોતાની પ્રથમ મેચમાં 4 સપ્ટેમ્બરે પાકિસ્તાન સામે ટકરાશે.
ટી 20 એશિયા કપમાં ભારતીય ટીમની શાનદાર શરૂઆત
પાકિસ્તાનના આ 5 ધુરંધર ખેલાડીઓને મેચમાં રોકવા મુશ્કેલ
ગ્રુપ રાઉન્ડના બંને મુકાબલામાં કર્યુ છે શાનદાર પ્રદર્શન
એશિયા કપમાં ભારતીય ટીમનુ ધમાકેદાર પ્રદર્શન
રોહિત શર્માની આગેવાનીમાં ટીમે અત્યાર સુધી એશિયા કપમાં ધમાકેદાર પ્રદર્શન કર્યુ છે. ટીમે ટી-20 ટુર્નામેન્ટના ગ્રુપ રાઉન્ડના બંને મુકાબલા જીત્યા અને ગ્રુપ એમાં ટોપ પર રહી. હવે સુપર-4ના મુકાબલા શરૂ થયા છે. ભારત પ્રથમ મુકાબલામાં 4 સપ્ટેમ્બરે રવિવારે પાકિસ્તાન સામે ફરીથી ટકરાશે.
રવિન્દ્ર જાડેજા ઈજાગ્રસ્ત હોવાથી ટુર્નામેન્ટમાંથી બહાર
ગ્રુપ રાઉન્ડમાં ભારતીય ટીમ પાકિસ્તાનને હરાવી ચૂકી છે ત્યારે પાકિસ્તાને પહેલા રમીને 147 રન બનાવ્યાં હતા. ભારતીય ટીમે છેલ્લી ઓવરમાં લક્ષ્યને પ્રાપ્ત કર્યુ હતુ. હાર્દિક પંડ્યાએ ઓલરાઉન્ડર પ્રદર્શન કર્યુ હતુ. આ ઉપરાંત રવિન્દ્ર જાડેજાએ પણ 35 રનની મહત્વપૂર્ણ ઈનિંગ રમી હતી. પરંતુ જાડેજા ઈજાના કારણે હવે ટુર્નામેન્ટમાં બહાર થઇ ગયા છે.
પાકિસ્તાનના આ ખેલાડી ભારતીય ટીમ માટે બનશે માથાનો દુ:ખાવો
પાકિસ્તાનના 5 ખેલાડી ભારતીય ટીમ માટે માથાનો દુ:ખાવો વધારી શકે છે. જેમાં વિકેટકીપર મોહમ્મદ રિજવાન પ્રથમ ક્રમે છે. તેણે અત્યાર સુધી 2 મેચમાં સૌથી વધુ 121 રન બનાવ્યાં છે. નોટઆઉટ રહીને 78 રનની મોટી ઈનિંગ રમી છે. સરેરાશ 121ની છે. સ્ટ્રાઈક રેટ 122ની છે.
ડાબોડી બેટર ફખર જમાંએ પણ વાપસીના સંકેત આપ્યાં
પાકિસ્તાનના ડાબોડી બેટર ફખર જમાંએ પણ વાપસીના સંકેત આપ્યા છે. તેમણે હોન્ગકોન્ગ સામે 53 રનની આક્રમક ઈનિંગ રમી હતી. તો બાબર આઝમ ભલે પહેલી બે મેચમાં સારો સ્કોર બનાવી શક્યા નથી. પરંતુ તેમનો ટી-20નો રેકોર્ડ શાનદાર છે.
ફાસ્ટ બોલર નસીમ શાહનુ ધારદાર પ્રદર્શન
પાકિસ્તાનના ફાસ્ટ બોલર નસીમ શાહે એશિયા કપથી ટી -20 ડેબ્યુ કર્યુ અને પહેલી બે મેચમાં તેમણે શાનદાર પ્રદર્શન કર્યુ. ભારત અને હોન્ગકોન્ગ બંનેની સામે તેમણે 2-2 વિકેટ લીધી. તેઓ હવે 9ની સરેરાશથી 4 વિકેટ લઇ ચૂક્યા છે. ઈકોનોમી માત્ર 5.66ની છે.
ડાબોડી સ્પિનર મોહમ્મદ નવાજનુ શાનદાર પર્ફોમન્સ
ડાબોડી સ્પિનર મોહમ્મદ નવાજે અત્યાર સુધી શાનદાર પ્રદર્શન કરી બતાવ્યું છે. તેમણે ભારત સામે 3 વિકેટ લીધી હતી. ત્યારબાદ તેમણે હોન્ગકોન્ગ સામે માત્ર 5 રન આપીને ત્રણ વિકેટ લીધી. અત્યાર સુધી 6ની સરેરાશથી 6 વિકેટ લીધી છે. ઈકોનોમી 6.70ની છે.