અફઘાનિસ્તાન / મસ્જિદમાં બોમ્બ બનાવવાની લઈ રહ્યાં હતા ટ્રેનિંગ, ભીષણ બ્લાસ્ટ થતાં 30 આતંકીઓનો સફાયો

• વિસ્ફોટમાં માર્યા ગયેલા 6  વિદેશી આતંકીઓ બોંબ બનાવવામાં માહેર હતા
• બોંબ બનાવવાની લાઈવ ટ્રેનિંગ દરમિયાન બ્લાસ્ટ થતા આતંકીઓના શરીરના ચીંથરા ઉડી ગયા
• 24 તાલિબાની આતંકીઓ મસ્જિદમાં ભેગા થયા 

અફઘાની સેના દ્વારા જારી એક નિવેદનમાં કહેવાયું કે બોંબ બનાવવાની ટ્રેનિંગ દરમિયાન એક જોરદાર વિસ્ફોટ થતા 6 વિદેશીઓ સહિત કુલ 30 આતંકીઓ માર્યા ગયા હતા. વિસ્ફોટમાં માર્યા ગયેલા 6  વિદેશી માઈન બ્લાસ્ટ (સુરંગ વિસ્ફોટ) બનાવામાં એક્સપર્ટ હતા અને તેઓ તાલિબાની આતંકીઓને બોંબ બનાવવાની લાઈવ ટ્રેનિંગ લઈ રહ્યાં હતા. 

રિપોર્ટ અુસાર અફઘાનિસ્તાનના બાલ્ફ પ્રાંતના દોલતાબાદ સ્થિત કુલ્તાક ગામમાં આ વિસ્ફોટ થયો હતો. 

બોંબ બનાવવાની ટ્રેનિગ દરમિયાન થયેલા વિસ્ફોટમાં માર્યા ગયેલા 6 વિદેશી આતંકીઓની ઓળખ થઈ શકી નથી. 24 તાલિબાની આતંકીઓ મસ્જિદમાં ભેગા થયા હતા અને 6 વિદેશીઓ પાસેથી બોંબ બનાવવાનું શીખી રહ્યાં હતા ત્યારે જોરદાર બ્લાસ્ટ થયો હતો. 

તાજેતરમાં અમેરિકી રિપોર્ટમાં પણ જણાવાયું હતું કે અફઘાનિસ્તાનની રાજધાની કાબૂલમાં તાલિબાની હુમલામાં વધારો થયો જેમાં સરકારી અધિકારીઓ, નાગરિક સંસ્થાઓ અને તાલિબાની વચ્ચે થયેલા શાંતિ કરાર પર ફરી વિચાર કરવાની જરુર છે.પૂર્વ પ્રમુખ ડોનાલ્ડ ટ્રમ્પ અને તાલિબાનની વચ્ચે શાંતિ કરાર થયા હતા. તાલિબાનના આતંકી અમેરિકી કરારનું પાલન કરવાની માગ કરી રહ્યાં છે અને અફઘાનિસ્તાનમાંથી સેના હટાવાની વાત કરી રહ્યાં છે. નાટોના મહાસચિવ જેંસ સ્ટોલેટબર્ગે જણાવ્યું કે જ્યારે સમય આવશે ત્યારે આ પણ થઈ જશે. નાટોના આ વલણથી તાલિબાન બેચન છે અને તેણે અફઘાનિસ્તાનમાં આતંકી હુમલાઓ વધારી દીધા છે.