આણંદમાં ASI પ્રકાશસિંહ રાઓલ સામે 50 લાખની લાંચનો મામલે હાલ તપાસનો ધમધમાટ શરૂ થઇ ચૂક્યો છે. ACB ટ્રેપમાં અધિકારીઓ સર્ચ કરી રહ્યાં છે. FSLના અધિકારીઓને સાથે રાખી તપાસ કરી રહ્યાં છે. આણંદના AV રોડ પરના રેસ્ટોરન્ટ પર તપાસ કરી રહ્યાં છે. ત્યારે હવે લાંચ કેસમાં અનેક મોટા અધિકારીઓની સંડોવણી હોવાની ચર્ચા તેજ થઇ છે. આ કેસમાં પ્રામાણિક તપાસ થાય તો અનેક મોટા પોલીસ અધિકારીઓ ઉપર રેલો આવે તેવી પુરેપુરી શક્યતા છે.
ASI દ્વારા 50 લાખની લાંચ લેવાનો મામલો
RR સેલનો ASI પ્રકાશસિંહ રાઓલ લાંચ લેતા ઝડપાયો
લાંચ કેસમાં અનેક મોટા અધિકારીઓની સંડોવણી !
RR સેલના હેડ કોન્સ્ટેબલ પ્રકાશસિંહ રાઓલ આણંદના રેસ્ટોરન્ટમાંથી 50 લાખની લાંચ લેતા ઝડપાયા હતા. વર્ષના અંતિમ દિવસે ACBએ સૌથી મોટી ટ્રેપ ઝડપી હતી. ત્યારબાદ હેડ કોન્સ્ટેબલ પ્રકાશસિંહ રાઓલની ACBએ ધરપકડ કરી હતી. જોકે હવે આ કોન્સ્ટેબલ મોટા અધિકારીઓનો વહીવટદાર હોવાની શક્યતા છે. મહત્વનું છે કે, ખંભાત ખાતર કૌભાંડ કેસમાં લાંચ લીધી હોવાનું અનુમાન લગાવવામાં આવી રહ્યું છે. કૌભાંડીઓને બચાવવા મોટું સેટિંગ થયાનું અનુમાન લગાવાઇ રહ્યું છે. ASI પ્રકાશસિંહ માત્ર મહોરું પરંતુ આ મામલે અધિકારીઓ અને રાજકારણોની સંડોવણી ખુલી શકે છે.
ASIના નામ પાછળ ક્યા મોટા અધિકારીઓ?
ASI પ્રકાશસિંહ માત્ર મહોરું હોવાની ચર્ચાઓ તેજ થઇ છે. ASI 50 લાખ જેટલી મોટી રકમનો તોડ કરતા અનેક ચર્ચા થઇ રહી છે. મોટા કૌભાંડને દબાવવું ASIની પહોંચની બહારની વાત છે. ખંભાતમાં ખાતર કૌભાંડ ASIથી કેસ પતે તે વાત દમ વિનાની છે. રેડની વિગત મોટા અધિકારીઓ હોય તો ASI તોડ કેવી રીતે કરી શકે? રેડ કરવાના ઓર્ડર પણ ઉચ્ચ અધિકારીએ જ આપ્યા હોય.
હાલ ASI પ્રકાશસિંહ 5 તારીખ સુધી રિમાન્ડ મંજૂર
આણંદમાં 50 લાખની લાંચ કેસમાં ઝડપાનાર ASI પ્રકાશસિંહના 5 તારીખ 3 વાગ્યા સુધીના રિમાન્ડ મંજૂર થયા છે. મહત્વનું છે કે, ACBએ 14 દિવસના રિમાન્ડની માંગણી કરી હતી.
અમદાવાદ-ખેડા અને આંણદ ACBની સંયુક્ત કામગીરી હતી. કુખ્યાત નામ ધરાવતો હેડકોન્સ્ટેબલ પ્રકાશ રાઉલ ઝડપાયો હતો. વિદ્યાનગરની હેવમોર રેસ્ટોરાંમાં ફરિયાદી પાસેથી લાંચ લેતા ઝડપાયો હતો. અગાઉ પ્રકાશ રાઉલે ખંભાત GIDCમાં એક ફેકટરી પાસેથી ખાતર બનાવાનું મશિન પકડ્યું હતું. 1060 થેલીઓ અને 5300 અલગ અલગ માર્કાની થેલીઓ સિવવાનું મશિન પકડ્યું હતું. પ્રકાશે કૌભાંડ પકડ્યું હતુ પરંતુ કોઈ પ્રકારની પોલીસ ફરિયાદ નોંધાઈ ન હોતી. સામાન્ય કલમ 102 પ્રમાણે 2 લાખ 82 હજાર 585ની માલમત્તા જપ્ત કરી હતી. કૌભાંડને છૂપાવવા માટે 60 લાખની લાંચ માગી હતી અંતે 50 લાખ નક્કી કર્યા હતા. ACBને વાતની જાણ થતા તેમણે RR સેલના લાંચિયા કોન્સ્ટેબલ પ્રકાશને ઝડપ્યો હતો.