ભાજપમાંથી બીજી વખત ટિકિટ મળ્યા બાદ કેન્દ્રીય મંત્રી પોતાના સંસદીય વિસ્તાર બક્સર પહોચ્યા હતા, જ્યાં તેમના કાફલામાં સંખ્યા કરતા વધુ ગાડીઓ હોવાથી SDMએ તેમને રોક્યા તો બિહારના બક્સરમાં કેન્દ્રીય મંત્રી અશ્વિની કુમાર ચૌબેએ પોતાના પદનો રોફ જમાવી SDMના અધિકારીઓ સાથે ગેરવર્ણતુક કર્યું હતું.
બિહારના બક્સરમાં કેન્દ્રીય મંત્રી અશ્વિની કુમાર ચૌબે દ્વારા SDM સાથે દૂરવ્યવહાર કરવાનો એક વીડિયો સામે આવ્યો છે. આ વીડિયો સોશિયલ મીડિયામાં પણ ખૂબ વાયરલ થયો છે. વીડિયોમાં કેન્દ્રીય મંત્રી અશ્વિની કુમાર ચૌબે SDMને ખરૂ ખોટુ સંભળાવી રહ્યા છે અને પોતાની સત્તાનો રોફ જમાવતા નજરે પડી રહ્યા છે.
વાત એવી હતી કે, ભાજપમાંથી બીજી વખત ટિકિટ મળ્યા બાદ કેન્દ્રીય મંત્રી પોતાના સંસદીય વિસ્તાર બક્સર પહોચ્યા હતા. ત્યારે તેમના કાફલામાં સંખ્યા કરતા વધુ ગાડીઓ હોવાથી SDMએ તેમને રોક્યા હતા અને આ મામલે ટકોર કરી હતી.
#WATCH Union Minister Ashwini Kumar Choubey misbehaves with SDM KK Upadhyay in Buxar after the official had stopped his convoy for violating model code of conduct. #Bihar (30.3.19)
SDM કે.કે. ઉપાધ્યાયે તેમના કાફલાને રોકતા અશ્વિની કુમાર ગુસ્સે ભરાયા અને SDMને ખરૂ ખોટુ સંભળાવ્યું. અશ્વિની કુમારે SDMને પૂછ્યુ કે, કોનો આદેશ છે, ચલો મને જેલ ભેગા કરી દો. આ દરમિયાન SDM સતત તેમને આચાર સંહિતાનું પાલન કરવાની સલાહ આપતા રહ્યા પણ માને એ બીજા.
બીજી તરફ, અશ્વિની કુમાર શાંત થવાનું નામ લેતા નહોતા અને ત્યાં ઉપસ્થિત તેમના કાર્યકર્તાએ જિંદાબાદના નારા પણ લગાવ્યા. બાદમાં મંત્રીની કારનો કાફલો ત્યાંથી પસાર થઈ ગયો. બાદમાં SDMએ તેમની કેટલીક કાર જપ્ત કરીને વધુ કાર્યવાહી હાથ ધરી છે.