ઇંગ્લેન્ડની સામે એડિલેડ ઓવલમાં વન ડે મેચ રમી રહેલાં ઓસ્ટ્રેલિયાની ધમાકેદાર ખેલાડી એશ્ટન એગરની ફિલ્ડીંગનાં ચારેય બાજુ વખાણ સંભળાઇ રહ્યાં છે. એશ્ટન એગરની આ અદ્ભૂત ફિલ્ડીંગે ટીમનાં પાંચ રનની બચત કરી છે. સોશિયલ મીડિયા પર એશ્ટન એગરનો વીડિયો ખુબ વાયરલ થયો છે.
એશ્ટન એગરની ફિલ્ડીંગનાં ચારેય બાજુ વખાણ
હવામાં કૂદીને બચાવ્યો છગ્ગો
અદ્ભૂત ફિલ્ડરનો વીડિયો વાયરલ
Aus vs Eng: ઇંગ્લેન્ડે શાનદાર પર્ફોર્મન્સ આપતાં ટી20 વર્લ્ડકપ 2022ની ટ્રોફી પોતાના હસ્તક કરી છે. ફાઇનલની મેચમાં પાકિસ્તાની ટીમને 5 વિકેટથી માત આપી હતી. આ વર્લ્ડકપ ચેમ્પિયન ટીમે હાલમાં ઓસ્ટ્રેલિયા સામે વનડે સીરીઝ રમવાની શરૂ કરી હતી. આ મેચમાં ઓસ્ટ્રેલિયાનાં ખેલાડી એશ્ટન એગરની ફિલ્ડીંગ ચર્ચામાં જોવા મળી રહી છે.
એશ્ટન એગરની ફિલ્ડીંગ જોઇ થઇ જશો દંભ
પોતાની ટીમનાં 5 રન એક અદ્ભૂત ફિલ્ડરે આ મેચમાં બચાવ્યાં છે. વીડિયોમાં તમે જોઇ શકો છો કે કેટલી ઉત્તમતાથી ખેલાડીએ બોલને બાઉન્ડ્રીની બહાર જતાં અટકાવ્યું. પેટ કમિન્સ દ્વારા ફેંકવામાં આવેલ 45મી ઓવરનાં છેલ્લા બોલ પર મલાને છગ્ગો મારવાનો પ્રયાસ કર્યો. તે સમયે બાઉન્ડ્રીની બહાર જતાં એ બોલને એશ્ટને હવામાં ઊછળીને બચાવ્યો હતો. ફેન્સ તેમની આ ફિલ્ડીંગ જોઇને ચોંકી ગયાં છે.
ટોસ હારીને બેટિંગ કરવા ઊતરી ટીમ ઇંગ્લેન્ડ
પહેલા બેટિંગ કરવા માટે ઇંગ્લેન્ડ ફિલ્ડ પર આવ્યું હતું. શરૂઆત સારી ન હોવાને લીધે તેમણે 66 રનો પર જ 4 વિકેટો ખોઇ હતી. ત્યારબાદ જોસ બટલર અને ડેવિડ મલાને 52 રનોની પાર્ટનરશિપ કરી ઇંગ્લેન્ડને ડૂબતો બચાવ્યો. બટલર તો આઉટ થઇ ગયાં પરંતુ મલાને રનો બનાવવાનું ચાલુ રાખ્યું. તેમણે 128 બોલ પર 134 રનની મેચ રમી જેમાં 12 ચોગ્ગા અને 4 છગ્ગા સમાવિષ્ટ છે.
ઓસ્ટ્રેલિયાએ જીતી મેચ
ઓસ્ટ્રેલિયાની ટીમે 46.5 ઓવરમાં 4 વિકેટનાં નુક્સાન પર 291 રન બનાવી મેચ જીતી હતી. ઓપનર ડેવિડ વોર્નરે સૌથી વધુ 86 અને ટ્રેવિસ હેડે 69 રનોની મેચ રમી હતી. તો બીજી તરફ સ્ટીવ સ્મિથ 80 રન પર નાબાદ પાછાં આવ્યાં.