દ્વારકાના દરિયામાં ભારે કરંટ વચ્ચે ન્હાવા પડેલ ડૂબતા યુવાનને બચાવવા ગયેલ એક યુવાન ડૂબ્યો હોવાનો કિસ્સો સામે આવ્યો છે.
દ્વારકાના દરિયામાં 2 યુવકો તણાયો
ન્હાવા પડેલો યુવક તણાયો
તણાઈ રહેલા યુવકને બચાવવા જતા એક યુવક તણાયો
ગુજરાતમાં અણધારી આફત સમાન વાવાઝોડાની દહેશત વચ્ચે હાલારના દરિયામાં ભારે કરંટ જોવા મળી રહ્યો છે. 8 થી 10 ફૂટ ઊંચા મોજા ઉછડી રહ્યા છે આવી સ્થિતિ વચ્ચે દ્વારકાના દરિયામાં એક યુવાન ડૂબ્યો હોવાનો કિસ્સો સામે આવ્યો છે. ખાસ વાત એ છે કે ડૂબતા યુવાને બચાવવા પડેલ યુવાન ડૂબી ગયો હતો. જેને લઈને અફરાતફરી મચી જવા પામી હતી.
ન્હાવા પડેલા મોશીન નામના યુવકનો બચાવ
એક બાજુ વાવાઝોડાના જોખમ વચ્ચે દ્વારકાનો દરિયો ગાંડોતુર થયો છે. છતાં પણ ભાવિકો જોખમી રીતે ગોમતી ઘાટ ખાતે ન્હાતા હતા. આ વેળાએ દ્વારકાના દરિયામાં ન્હાવા પડેલો યુવક દરિયાના જળપ્રવાહમાં ડૂબવા લાગ્યો હતો. આ દરમિયાન અશરફ નામનો યુવક અન્ય યુવાનને ડુબતો બચાવવા કુદયો હતો. જોકે ન્હાવા પડેલ મોશીન નામનો યુવક ડુબતો બચી ગયો હતો. પરંતુ બચાવવા ગયેલ અશરફ ડૂબ્યા બાદ લાપતા બનતા તંત્ર દોડતું થયુ છે. મહત્વનું છે કે ગઇકાલે જ ગોમતી ઘાતમાં જોખમી રીતે ન્હાતા લોકો નજરે પડ્યા હતા. જ્યા તંત્રે સૂચના આપવા છતાં અમલ ન કરતા આવો કિસ્સો બન્યો હતો.