BIG NEWS / કોંગ્રેસમાં ગૃહયુદ્ધ: ગુજરાતની ચૂંટણી સમાપ્ત થતાં જ રાજસ્થાનમાં મોટા ઊલટફેરના એંધાણ

• રાજસ્થાનમાં પોલિટીકલ મામલો ગરમાયો 
• ગહેલોત અને પાયલટ વચ્ચે વિવાદ યથાવત
• ગહેલોત લગાવે છે સચિન પાયલટ પર આરોપ

રાજસ્થાન કોંગ્રેસનું ગૃહયુદ્ધ એકવાર ફરી સામે આવી રહ્યું છે. એકબીજા વિરૂદ્ધ નિવેદનો ન કરવાના પાર્ટીનાં આદેશનો ઉલ્લંઘન કરતાં મુખ્યમંત્રી અશોક ગહેલોતે પૂર્વ પ્રદેશ અધ્યક્ષ સચિન પાયલટની 2 વર્ષ પહેલાંનાં બળવાને વિશ્વાસઘાત ગણાવીને સ્પષ્ટ કરતાં કહ્ચું કે સીએમનાં પદ પર પાયલટ તેમને કોઇપણ પ્રકારે સ્વીકાર્ય નથી. આ પહેલા સપ્ટેમ્બરમાં ગહલોત કેમ્પ સોનિયા ગાંધીનાં દૂતોને પણ લાલા આંખ કરી ચૂક્યા છે.

પાયલટે ગહેલોતનાં આરોપ પર કરી વાત
પાયલટે ગહલોતનાં આરોપોને પાયાવિહોણા જણાવીને કહ્યું કે ગહેલોતને અસુરક્ષિત અનુભવવાની જગ્યાએ ખરગે, રાહુલ અને પ્રિયંકા ગાંધીનાં નેતૃત્વને મજબૂત કરવું જોઇએ. તો કોંગ્રેસે પણ ગહલોતનાં ઉકસાવતા નિવેદનો પર કહ્યું કે રાજસ્થાનનો મામલો પાર્ટીનાં હિતને ધ્યાનમાં રાખીને ઉકેલવામાં આવશે હાલમાં પાર્ટીનાં તમામ લોકોની જવાબદારી ભારત જોડો યાત્રાની સફળતાને ઉત્તરભારતમાં વધુ મજબૂત બનાવવાની છે. 

ગુજરાત ચૂંટણી પછી આવી શકે છે મોટો નિર્ણય
રાજસ્થાનને લઇને નિર્ણયો કોંગ્રેસ ગુજરાતની ચૂંટણી બાદ લેવા ઇચ્છે છે. ગુજરાત ચૂંટણીનાં સુપરવાઇઝરની જવાબદારી સંભાળી રહ્યાં એવા અશોક ગહેલોતે ચૂંટણીની વચ્ચે પાયલટનાં વિરોધમાં જાહેરમાં ટિપ્પણી કરી  છે જેની અસર ગુજરાત ચૂંટણી પર પણ પડી શકે છે. સચિન પાયલટ ગાંધી પરિવારની પસંદગી હોય તેવું લાગી રહ્યું છે.

શું રાજસ્થાનનાં ભવિષ્યમાં છે પાયલટ સરકાર?
આ ગુરૂવારે જે રીતે ભારત જોડો યાત્રામાં રાહુલ ગાંધી, પ્રિયંકા ગાંધીની સાથે સચિન પાયલટ કદમતાલ મિલાવતા નજરે ચડ્યા તેને જોઇને એ સાફ સંદેશાઓ મળી રહ્યાં છે કે રાહુલ અને પ્રિયંકા રાજસ્થાનનાં ભવિષ્ય માટે સચિન પાયલટનો હાથ પકડશે. આ વચ્ચે થોડા સમય પહેલા સોનિયાએ જ્યારે અશોક ગહેલોતની સામે કોંગ્રેસનાં અધ્યક્ષ બનવાનો પ્રસ્તાવ મૂક્યો હતો ત્યારે ગહેલોતે પણ પોતાની રાય કોંગ્રેસનાં પૂર્વ અધ્યક્ષની જણાવી દીધી હતી કે તેને રાજસ્થાનનાં સીએમની ખુરશીનો મોહ નથી પરંતુ તેને પાયલટ પસંદ નથી.

એક ભૂલનાં લીધે કોંગ્રેસનાં હાથથી જશે રાજસ્થાન સરકાર
આ આંતરિક વિવાદોમાં નેતા હરીશ ચૌધરીની નાનકડી લોટરી લાગી શકે છે પરંતુ આ કેટલું જોખમ ભર્યુ હોઇ શકે છે તેનું ઉદાહરણ પંજાબને ઘણી શકાય છે. જો હિમાચલ પ્રદેશમાં કોંગ્રેસની સરકાર આવી ગઇ તો ફરી પાર્ટી રાજસ્થાનમાં નવો પ્રયોગ કરવાનો જોખમ ઉઠાવી શકે છે. હવે ગાંધી પરિવાર રાજસ્થાનની સરકારને લઇને શું નિર્ણય લે છે તે સમય જ જણાવશે.