સૂરસૂરિયું / મુખ્યમંત્રીએ પૂછ્યું મારી સરકારમાં ટ્રાન્સફર કે પોસ્ટિંગ માટે પૈસા આપવા પડે છે? હોલમાં ગૂંજી ઉઠ્યો જવાબ - હા

• કાર્યક્રમમાં મુખ્યમંત્રી સાથે થયો ફિયાસ્કો
• પોસ્ટિંગ અને ટ્રાન્સફરના સવાલના જવાબ પર સ્તબ્ધ થયાં CM 
• રાજસ્થાનના મુખ્યમંત્રી અશોક ગહેલોત સાથે બની ઘટના

ઘટના બની એવી કે રાજસ્થાનની રાજધાની જયપુરના બિડલા સભાગૃહમાં જ્યાં મુખ્યમંત્રી ગેહલોત શિક્ષક સન્માન સમારોહને સંબોધન કરી રહ્યા હતા. 

પોસ્ટિંગ અને ટ્રાન્સફરના સવાલના જવાબ પર સ્તબ્ધ થયાં CM 

ત્યારે સંબોધન દરમિયાન તેઓ જણાવી રહ્યા હતા કે, ટ્રાન્સફર અને પોસ્ટિંગમાં કેવી રીતે તેમની સરકાર પારદર્શિતાનું પાલન કરી રહી છે. અશોક ગહેલોતે પોતાના સંબોધનમાં કહ્યું કે,અમારી સરકારના સમયે ટ્રાન્ફસર અને પોસ્ટિંગ માટે પૈસા નથી ચૂકવવા પડતા. 

#WATCH | At a felicitation program for teachers, in Jaipur, Rajasthan CM Ashok Gehlot asks them if they need to pay money for a transfer. The teachers respond with "Yes". The CM says, "It's very unfortunate that teachers need to pay money for transfer. A policy should be made..." pic.twitter.com/YWAl9QTkSH

— ANI (@ANI) November 16, 2021

તમામ શિક્ષકોએ સરકારની ખોલી પોલ 

તો તેમણે કાર્યક્રમમાં હાજર શિક્ષકો સાથે સંવાદ કરતા સવાલ પૂછ્યો કે અમારી સરકારના સમયમાં ટ્રાન્સફર અને પોસ્ટિંગ માટે પૈસા ચૂકવવા પડ્યા છે ? હજી સવાલ પૂર્ણ થાય તે પહેલા જ સમગ્ર હોલ 'હા' થી ગુંજી ઉઠ્યો હતો. આ ઘટનાને જોઈને મુખ્યમંત્રી પોતે પણ થોડીવાર સ્તબ્ધ થઈ ગયા હતા. 

સ્થિતિને કાબૂમાં લેવાનો કર્યો પ્રયાસ 

જોકે સમગ્ર ઘટના બાદ  મુખ્યમંત્રીએ કહ્યું અમારે ત્યાં ભ્રષ્ટાચાર નથી. તો સાથે એવું પણ કહ્યું કે, જો કોઈ વ્યક્તિ તમારી પાસે ચા-પાણીના પૈસા માગે તો અમને જણાવો. તો સ્થિતિને સંભાળતા હોય તેમ ગેહલોત બોલ્યા આ વાત પહેલાના સમયની છે, અમારા સમયની નથી.