કોંગ્રેસે બે દિગ્ગજ નેતાઓના પુત્રને આપી ટિકિટ, એક ભાજપના પૂર્વ મંત્રીનો પુત્ર

લોકસભા ચૂંટણી ર૦૧૯ માટે કોંગ્રેસે ઉત્તર પ્રદેશ, ગુુજરાત અને રાજસ્થાનમાં લોકસભાની ૩૧ બેઠક માટે ઉમેદવાર જાહેર કર્યા છે. આ યાદીમાં મુખ્ય નામ રાજસ્થાનના મુખ્યપ્રધાન અશોક ગેહલોતના પુત્ર વૈભવ ગેહલોતનું છે. તેને જોધપુરથી ટિકિટ આપવામાં આવી છે. આ ઉપરાંત પૂર્વ કેન્દ્રીય પ્રધાન જિતેન્દ્રસિંહને અલવર અને પૂર્વ કેન્દ્રીય પ્રધાન અને ભાજપના નેતા જશવંતસિંહના પુત્ર માનવેન્દ્રસિંહને બાડમેરથી ટિકિટ આપવામાં આવી છે.



જ્યારે ઉત્તર પ્રદેશમાં સંભલની બેઠક પરથી જે.પી.સિંહ, શાહજહાંપુરથી બ્રહ્મસ્વરૂપ સાગર, ઝાંસીથી શિવશરણ કુશવાહા, ફુલપુરથી પંકજ નિરંજન, મહારાજગંજથી તનુશ્રી ત્રિપાઠી અને દેવરિયાથી લિયાઝ અહેમદને ટિકિટ આપવામાં આવી છે. આ ઉપરાંત રાજસ્થાનના ટોંક સવાઇ માધોપોરની બેઠક પરથી નમોનારાયણ મીણા, ઉંદયપુરથી રઘુવીર મીણા અને અન્ય કેટલાક નેતાઓને ટિકિટ મળી છે.



જયપુરથી પૂર્વ મેયર જ્યોતિ ખંડેલવાલને ટિકિટ આપવામાં આવી છે. કોંગ્રેસે જે ૩૧ બેેઠક પર ઉમેદવાર જાહેર કર્યા છે તે તમામ બેઠકો પર ર૦૧૪માં ભાજપના ઉમેદવારોનો વિજય થયો હતો.  અત્રેે ઉલ્લેખનીય છે કે લોકસભા ચૂંટણી માટે કોંગ્રેસે આ ૧૩મી યાદી જાહેર કરી છે.