તેમણે કહ્યું કે અમે ફક્ત દેશી/પોતાની કમાયેલી મૂડીનો ઉપયોગ કરીશું. ટીમમાં 50 સભ્યો હશે. એટલું જ નહીં, 40 વર્ષીય આંત્રપ્રિન્યોરે કર્મચારીઓને કંપનીમાં પાંચ વર્ષ પૂરા કરવા પર તેમને મર્સિડીઝની ઓફર મળશે.
આ કંપનીના કર્મચારીઓનું તો નવું વર્ષ સુધરી ગયું!
કર્યો મર્સિડીઝ આપવાનો વાયદો
બસ મૂકી આ શરત
BharatPeના કો-ફાઉન્ડર અશ્નીર ગ્રોવરે તેના નવા સ્ટાર્ટઅપ થર્ડ યુનિકોર્નની જાહેરાત કરી છે અને પોતાની LinkedIn પ્રોફાઇલ પર ગુડ ન્યૂઝ શેર કર્યા છે. ગ્રોવરે તેના નવા બિઝનેસ વિશે વિગતો પણ શેર કરી છે અને રોકાણકારો અને લોકોને ટીમમાં જોડાવા આમંત્રણ આપ્યું છે. ભૂતપૂર્વ શાર્ક ટેન્ક જજે કંપનીમાં પાંચ વર્ષ પૂરા કરનારા કર્મચારીઓને મર્સિડીઝ આપવાનું વચન આપ્યું છે.
લિંક્ડઇન પર આપી માહિતી
LinkedIn પોસ્ટમાં તેમણે લખ્યું હતું કે, "ચાલો 2023 માં થોડું કામ કરીએ!" તેમણે કહ્યું, “થર્ડ યુનિકોર્નમાં અમે ચુપચાપ અને શાંતિથી બજારને હલાવી દે તેવો બિઝનેસ તૈયાર કરી રહ્યા છીએ. બુટસ્ટ્રેપ્ડ. લાઇમલાઇટ વિના. અને અમે વસ્તુઓ અલગ રીતે કરી રહ્યા છીએ. એકદમ અલગ રીતે."
ગ્રોવરે નવા સ્ટાર્ટ-અપની ઝલક દર્શાવતો સ્લાઇડ શો પણ શેર કર્યો. તેણે કહ્યું કે જો તમે આગામી TODU – FODU વસ્તુનો ભાગ બનવા માંગતા હો, તો અમે તેને કેવી રીતે બનાવી રહ્યા છીએ તેની એક ઝલક જુઓ! અમે જે બનાવી રહ્યા છીએ તે અરબો ડોલરનો પ્રશ્ન બનેલો છે.!”
5 વર્ષ કામ કરવા પર મળશે મર્સિડીઝ
સ્લાઇડ શોની એક સ્લાઇડમાં, એવું કહેવામાં આવ્યું છે કે ત્રીજા યુનિકોર્નને કોઈપણ વેન્ચર કેપિલિસ્ટની તરફથી ફંડ આપવામાં આવશે નહીં. સ્લાઇડમાં એવું પણ કહેવામાં આવ્યું છે કે અમે ફક્ત દેશી/પોતાની કમાયેલી મૂડીનો ઉપયોગ કરીશું. ટીમમાં 50 સભ્યો હશે. એટલું જ નહીં, 40 વર્ષીય આંત્રપ્રિન્યોરે કર્મચારીઓને કંપનીમાં પાંચ વર્ષ પૂરા કરવા પર મર્સિડીઝની ઓફર પણ કરી હતી.
ગયા વર્ષે કરવામાં આવી હતી જાહેરાત
BharatPeના કો-ફાઉન્ડરે ગયા વર્ષે જૂનમાં તેમના 40મા જન્મદિવસ પર તેમના નવા વેન્ચરની જાહેરાત કરી હતી. તેણે લખ્યું કે આજે હું 40 વર્ષનો થઈ ગયો છું. કેટલાક કહેશે કે મેં આખુ જીવન જીવ્યું છે અને સૌથી વધુ વસ્તુઓનો અનુભવ કર્યો છે.
પેઢીઓ માટે પૂરતા પૈસા કમાયા. મારા માટે, આ હજુ પણ અધૂરો વ્યવસાય છે. હવે બીજા ક્ષેત્રને સ્પર્શવાનો સમય આવી ગયો છે. પોતાના નવા સ્ટાર્ટઅપ તરફ ઈશારો કરીને તેણે થર્ડ યુનિકોર્નનું નામ લીધું.