શહેરનાં પોલીસ કમિશનર એ. કે. સિંઘની એનએસજીમાં નિયુક્તિ થતાં અમદાવાદનાં નવા પોલીસ કમિશ્નર કોણ બનશે તેની અટકળો ચાલી રહી છે. જેમાં આશિષ ભાટિયા, ટી.એસ. બિસ્ટનું નામ ચર્ચાઈ રહ્યું છે. ત્યારે સૂત્રોનાં જણાવ્યાં મુજબ અમદાવાદનાં નવા પોલીસ કમિશનર તરીકે આશિષ ભાટિયાંની સંભાવના સૌથી વધારે છે.
આશિષ ભાટિયા અમદાવાદના પો. કમિશનર બની શકે છે
2008નાં સિરિયલ બ્લાસ્ટને ઉકેલવાનો શ્રેય આશિષ ભાટિયાને જાય છે
અમદાવાદનાં માહોલ અને ગુનેગારોને સારી રીતે જાણે છે આશિષ ભાટિયા
અમદાવાદનાં કમિશનર કોણ?
ગુજરાતમાં ફરી સિનિયર આઈપીએસ અધિકારીઓની ફેર બદલી થવા જઈ રહા છે. શહેર પોલીસ કમિશનર એ. કે. સિંઘની જગ્યાએ ગુજરાત CID ક્રાઈમનાં વડા અને ડીજીપી આશિષ ભાટિયાનાં નામની સંભાવના સેવાઈ રહી છે. ગુજરાતની પેટચૂંટણી પતતાની સાથે દિવાળીની આસપાસ આઈપીએસોની ફેરબદલી થાય એવી શક્યતાં છે.
ક્રાઈમનાં કેસ ઉકેલવામાં આશિષ ભાટિયા એક્સપર્ટ
આશિષ ભાટિયાં આત્મવિશ્વાસથી ભેરલા મક્કમ નિર્ણય લેવામાં સક્ષમ અને સ્વભાવે શાંત અને સૌમ્ય અધિકારી છે. તેમની કારકિર્દીમાં એવા એક પણ કેસ નથી કે જે તેમને અમદાવાદના પો. કમિશનર બનવામાં અડચણ ઊભી કરે. તેઓ ગુનો ઉકેલવામાં પણ એક્સપર્ટ છે. ડીસીપી તરીકે તથા જેસીપી તરીકે તેઓ અમદાવાદ ક્રાઈમ બ્રાન્ચમાં ફરજ બજાવી ચુક્યાં છે. વર્ષ 2008નાં સિરિયલ બ્લાસ્ટ કેસને ઉકેલવાનો શ્રેય તેમને જ જાય છે.
આશિષ ભાટિયા સામે સુપ્રિમ કોર્ટમાં કેસ ચાલું છે
તેઓ ડીએસપી તરીકે ફરજ બજાવા હતાં તે દરમિયાન કેટલાંક પોલીસ એન્કાઉન્ટર કેસમાં તેમનું નામ ઉછળ્યું હતું. જો કે તેમાં કોઈ કાર્યવાહી થઈ નહોતી. જ્યારે કે તેઓ જેસીપી હતાં તે દરમિયાન એક આરોપીનું શંકાસ્પદ મોત નિપજ્યું હતું. તેમાં પણ તેમની સામે તપાસનાં ઓર્ડર થયાં હતા. જેમાં સુપ્રીમ કોર્ટ દ્વારા નિયુક્ત કરાયેલી ખાસ તપાસ ટીમ દ્વારા તેની તપાસ કરવામાં આવી હતી. આ તપાસ ટીમે તેમની તપાસનો રિપોર્ટ કોર્ટને પણ સોંપી દીધો હતો. જોકે આ કેસ હજું પણ ચાલી રહ્યો છે. બીજી તરફ ડીજીપી શિવાનંદ ઝા પણ 2020માં જ રિટાયર્ડ થાય છે. ત્યારે તેમની બાદ ડીજીપીનાં ક્રમમાં આશિષ ભાટિયાનું નામ આવે પણ સરકાર તેમને અમદાવાદના પો. કમિશનર તરીકે જવાબદારી સોંપવા માંગે છે. જેથી તેમની શહેર પોલીસ કમિશનર બનવાની શક્યતાં વધારે છે. જો કે આ રેસમાં ટી.એસ.બિસ્ટ અને કેશવ કુમારનું નામ પણ ચર્ચાઈ રહ્યું છે.