ઓલરાઉન્ડર બેન સ્ટોક્સ (અણનમ 135) અને જેક લીચ (અણનમ 1) વચ્ચે અંતિમ વિકેટ માટે 76 રનોની થયેલી મેચ વિનિંગ ભાગીદારીની મદદથી ઇંગ્લેન્ડે હેડિન્ગ્લે મેદાન પર રમવામાં આવેલી એશિઝ સીરિઝની ત્રીજી ટેસ્ટ મેચના ચોથા દિવસે ઓસ્ટ્રેલિયાને ખુબ જ રોમાંચક મેચમાં એક વિકેટ હરાવી.
ટેસ્ટ ક્રિકેટના ઇતિહાસમાં ચોથી વારે એવું થયું કે ઇંગ્લેન્ડ એક વિકેટથી મેચ જીતવામાં સફળ રહ્યું. આ પહેલા 1922/23માં કેપટાઉનમાં દ.આફ્રીકા વિરુદ્ધ, 1907/08માં મેલબર્નમાં ઓસ્ટ્રેલિયા વિરુદ્ધ અને 1902માં ઓવલમાં ઓસ્ટ્રેલિયા વિરુદ્ધ એક વિકેટથી જીત મેળવી હતી.
આ જીત બાદ ઇંગ્લેન્ડે પાંચ મેચોની એશિઝ ટેસ્ટ સીરિઝમાં 1-1ની બરાબરી હાંસલ કરી છે. સીરિઝની પહેલી મેચ ઓસ્ટ્રેલિયાએ 251 રનથી જીતી હતી જ્યારે બીજી મેચ ડ્રો રહી હતી. ઓસ્ટ્રેલિયાએ પહેલી ઇનિંગમાં 179 રનનો સ્કોર બનાવ્યો હતો. બાદમાં ઓસ્ટ્રેલિયાએ ઇંગ્લેન્ડને પહેલી ઇનિંગમાં 67 રન પર ઢેર કરી 112 રન પર રોકવામાં સફળ રહી. ઓસ્ટ્રેલિયાએ ત્યારબાદ પોતાની બીજી ઇનિંગમાં 246 રનનો સ્કોર બનાવી ઇંગ્લેન્ડની સામે જીત માટે 359 રનનો ટારગેટ રાખ્યો હતો.
ઇંગ્લેન્ડે આ ટારગેટને 9 વિકેટ ગુમાવી હાંસલ કરી લીધો. યજમાન ઇંગ્લેન્ડની જીતના હીરો સ્ટોક્સે 219 બોલમાં 11 ફોર અને 8 સિક્સની મદદથી 135 રનની અણનમ અવિસ્મરણીય ઇનિંગ રમ્યો. સ્ટોક્સે પોતાના કરિયરની આઠમી સદી નોંધાવી.
સ્ટોક ઉપરાંત કેપ્ટન જો રૂટ 77, જો ડેનલી 50, જોની બેયરસ્ટો 36, જોફ્રા આર્ચર 15, જેસન રોય 8, રોરી બર્ન્સ 7, અને જોસ બટલર અને ક્રિસ વોક્સે 1-1 રનનું યોગદાન આપ્યું. જ્યારે સ્ટૂઅર્ટ બ્રોડે ખાતુ ખોલ્યા વિના આઉટ થયો. ઓસ્ટ્રેલિયા તરફથી જોશ હેજલવુડ 4, નાથન લિયોને 2 અને પેટ કમિંસ અને જેમ્સ પેટિન્સને 1-1 વિકેટ હાંસલ કરી.