તમે વર્ષોથી ક્રિકેટ જોવો છો, પરંતુ તમે ક્યારેય એવું નહીં જોયુ હોય કે કોઇ ટેસ્ટ મેચની પહેલી ઇનિંગમાં કોઇ બીજો બેટ્સમેન બેટિંગ કરવા માટે આવ્યો હોય અને બીજી ઇનિંગમાં તેના સ્થાન પર બીજો બેટ્સમેન આવ્યો હોય.
જોકે આ વખતે ઇંગ્લેન્ડમાં રમાઇ રહેલી એશિઝ સીરિઝની બીજી ટેસ્ટમાં આવુ જ કંઇક જોવા મળ્યુ. ઓસ્ટ્રેલિયાના સ્ટાર બેટ્સમેન સ્ટિવ સ્મિથ પહેલી ઇનિંગમાં ઇજાગ્રસ્ત થયો હતો અને તેના સ્થાન પર માર્નસ લાબુશેનએ મૌકો આપવામાં આવ્યો.
આમ કેમ થયુ?
વાસ્તવમાં ઓસ્ટ્રેલિયા ટીમના પૂર્વ કેપ્ટન સ્ટિવ સ્મિથ લોર્ડ્સ ટેસ્ટની પહેલી ઇનિંગમાં ફાસ્ટ બૉલર જોફ્રા આર્ચરની બૉલથી ઇજાગ્રસ્ત થયો. આર્ચરનો બાઉન્સર સ્મિથના ગરદન પર વાગ્યો. જ્યારે સ્ટિવ સ્મિથ 80 રનના સ્કોર સાથે રમી રહ્યો હતો ત્યારે આર્ચરનો 148.7 કિમી પ્રિત કલાકની ઝડપે આવતો બૉલ તેની ગરદન પર વાગ્યો. આ ઘટના મેચના ચોથા દિવસે બની. સ્મિથે બેટિંગ તો પૂરી કરી પરંતુ 5માં દિવસે સવારે જ્યારે ઉઠ્યો ત્યારે ચક્કર, માથામાં દુખાવાની ફરિયાદ કરી અને બાકી બચેલી લોર્ડ્સ ટેસ્ટમાંથી પોતાનું નામ પાછું ખેંચી લીધું.
142 વર્ષના ટેસ્ટ ઇતિહાસમાં આવું પહેલી વખત બન્યુ:
ટેસ્ટ ઇતિહાસમાં આવું પહેલી વખત થયુ હશે જ્યારે કોઇ ખિલાડીને કોઇ ટેસ્ટ મેચની વચ્ચે સબસ્ટીટ્યૂટ પ્લેઇંગ ઇલેવનમાં શામેલ કરવામાં આવ્યો હોય. ઇતિહાસની પહેલી ઑફિશ્યલ ટેસ્ટ મેચ ઇંગ્લેન્ડ અને ઓસ્ટ્રેલિયાની વચ્ચે 15-18 માર્ચ, 1877માં રમવામાં આવી હતી.
લાબુશેનની હેલ્મેટ પર અડી આર્ચરની બાઉન્સર:
યુવા બેટ્સમેન માર્નસ લાબુશેન લોર્ડ્સ ટેસ્ટમાં 4 દિવસ સુધી પ્લેઇંગ XI નો ભાગ ના હતો. અચાનકથી મેચના 5માં દિવસની રમત શરૂ થતા થોડા સમય પહેલા તેણએ ખબર પડી કે સ્મિથની જગ્યાએ તે આજે રમશે. માનસિક રીતે તેના માટે આ ઘણું પડકારજનક રહ્યુ હશે. ચોથી ઇનિંગમાં ઓસ્ટ્રેલિયા લોર્ડ્સ ટેસ્ટ બચાવવા માટે (ડ્રો) માટે ઉતર્યુ. ઇનિંગની છઠ્ઠી ઑવરમાં લાબુશેનની બેટિંગ આવી. લાબુશેન હજુ પોતાની ઇનિંગની બીજી બૉલ રમી રહ્યો હતો ત્યારે જ આર્ચરે બાઉન્સરથી તેનુ સ્વાગત કર્યુ અને બૉલ તેની હેલ્મેટ પર અડી.
લાબુશેને કરી શાનદાર ફિક્ટી:
હેલ્મેટની ગ્રિસ પર બાઉન્સર પર અડતા ઇંગ્લેન્ડના ફિલ્ડર અને બૉલર આર્ચર થોડી સેકન્ડ માટે અસહજ દેખાયા પરંતુ લાબુશેન સુરક્ષિત હતો અને હેલ્મેટને કારણે તે બચી પણ ગયો. જોકે થોડા સમય માટે રમત રોકી દેવામાં આવી અને પછી લાબુશેનને પોતાની હેલ્મેટ બદલીને બેટિંગ કરતો રહ્યો. આ ઇનિંગમા લાબુશેને 100 બૉલમાં 59 રન કર્યા અને આ ટેસ્ટને ડ્રો કરવા માટે મહત્વનો રોલ કર્યો. એશિઝ સીરિઝમાં 2 ટેસ્ટ પછી ઓસ્ટ્રેલિયા 1-0થી આગળ છે.