અમાસ / આજે છે અમાસની રાત... ભૂલથી પણ ન કરતાં આવું કામ, નહીંતર જીવન પર પડશે ખરાબ અસર

• અમાસની રાત શાસ્ત્રોમાં મહત્વપૂર્ણ 
• નકારાત્મક શક્તિઓ અસર વધુ રહે છે 
• નબળા મનોબળના લોકોએ ખાસ ધ્યાન રાખવું જોઈએ

અમાસની રાત નકારાત્મક શક્તિઓની અસર વધુ રહે છે 
અષાઢ મહિનાની અમાસને હલહારિણી અમાસ અથવા અષાઢી અમાવસ કહેવામાં આવે છે. આ દિવસે પિતૃઓનું તર્પણ કરવાની અને દાનની સાધના કરવાની પરંપરા છે. શાસ્ત્રોમાં તેનું વિશેષ મહત્વ જણાવવામાં આવ્યું છે. જ્યોતિષમાં અમાસની રાત વિશે ઘણી વાતો કહેવામાં આવી છે. કહેવાય છે કે, નવા ચંદ્રની રાત્રે નકારાત્મક શક્તિઓની અસર ઘણી વધી જાય છે, તેથી આ સમયે કેટલીક ભૂલોથી બચવું જોઈએ. 

માનસિક નબળા લોકોએ ખાસ ધ્યાન રાખવું 
અમાસ કૃષ્ણ પક્ષની અંતિમ તિથિ છે. અમાસની રાત્રે નકારાત્મક શક્તિઓ સક્રિય રહે છે. એટલે કે ભૂત, પ્રેત, પિશાચ અને નિશાચર વધુ સક્રિય હોય છે. માનસિક કે ભાવુક રીતે નબળા મનુષ્યો ઝડપથી આ નકારાત્મક બળોના અંકુશ હેઠળ આવી શકે. આ બળોના સંપર્કમાં આવ્યા પછી, મનુષ્ય પોતાની જાત ઉપર અંકુશ રાખી શકતો નથી. 

સ્મશાનગૃહની આસપાસથી પસાર ન થવું 
જ્યોતિષીઓનું કહેવું છે કે અમાસની રાત્રે ક્યારેય પણ સ્મશાનમાંથી કે તેની આસપાસથી પસાર ન થવું જોઈએ. આ સમય દરમિયાન,વ્યક્તિએ સુનસાન માર્ગો પર જવાનું પણ ટાળવું જોઈએ. નબળી ઈચ્છાશક્તિવાળા લોકોએ આ બાબતોનું ખાસ ધ્યાન રાખવું જોઈએ. એક વાર મનુષ્ય આ બળોના તાબા હેઠળ આવી જાય તો તેનું આખું જીવન નષ્ટ થઈ શકે છે. 

અમાસની રાત્રે કરો જરૂર કરો આ કામ 
અમાસની રાત્રે સરસવના તેલનો દીવો ઘરની છત પર કરો. તેનાથી ઘર હંમેશા નકારાત્મક શક્તિઓના પ્રભાવથી દૂર રહેશે. સાથે જ માતા લક્ષ્મીની કૃપા હંમેશા તમારા પર રહેશે. તમારા ઇષ્ટ ભગવાન અથવા કુળદેવના નામે દીવો પણ પ્રગટાવી શકો છો. આમ કરવાથી ઘરમાં ધનનો ભંડાર ક્યારેય ખાલી નથી થતો.