સુનક બ્રિટનના વડાપ્રધાન બન્યા બાદ ભારતમાં નવી ચર્ચા જાગી છે, અસદુદ્દીન ઓવૈસીએ કહ્યું કે, એક દિવસ હિજાબ પહેરેલી છોકરી ભારતની વડાપ્રધાન બનશે.
હૈદરાબાદના સાંસદ અસદુદ્દીન ઓવૈસીનું નિવેદન
"હિજાબ પહેરેલી છોકરી ભારતની વડાપ્રધાન બનશે"
"હિજાબએ પસંદગી છે પછાતપણાની નિશાની નથી"
ઋષિ સુનક બ્રિટનના વડાપ્રધાન બન્યા બાદ ભારતમાં નવી ચર્ચા જાગી છે. આ અંગે વાત કરતા હૈદરાબાદના સાંસદ અસદુદ્દીન ઓવૈસીએ કહ્યું છે કે એક દિવસ હિજાબ પહેરેલી છોકરી ભારતની વડાપ્રધાન બનશે.
"હિજાબ પહેરેલી છોકરી PM બનશે"
AIMIM ચીફ અસદુદ્દીન ઓવૈસીનું ફરી એકવાર નિવેદન સામે આવ્યું છે.તેમણે કહ્યું કે હું ઈચ્છું છું કે એક દિવસ હિજાબ પહેરેલી છોકરી ભારતની વડાપ્રધાન બને. હવે તેમનું આ નિવેદન સામે આવ્યું છે. જ્યારે બ્રિટનના પ્રથમ ભારતીય મૂળના વડા પ્રધાન ઋષિ સુનક વિશે સવાલ કરવામાં આવ્યો હતો અને તેઓ પણ હિન્દુ છે. ઓવૈસીએ કહ્યું કે મેં કહ્યું છે કે ઇન્શા અલ્લાહ, મારા જીવનમાં અથવા મારા જીવન બાદ હિજાબ પહેરેલી છોકરી ભારતની વડાપ્રધાન બનશે.
ઓવૈસીનું હિજાબ પર નિવેદન
વર્તમાનમાં જ હિજાબ પર સુપ્રીમ કોર્ટના 2 જજોએ બંટી રાય પર ઓવૈસીએ કહ્યું હતું કે ભારતની આઝાદી માટે આપણા વડીલોએ બલિદાન આપ્યું હતું, આજે એ જ ભારતમાં આપણી દીકરીઓને પૂછવામાં આવે છે કે તમે હિજાબ કેમ પહેરો છો? હિજાબ પહેરવું એ પસંદગીની બાબત છે આ પછાતપણાની નિશાની નથી.
સુનક PM બનતા રાજકારણ ગરમાયું
સુનકની નિમણૂકથી ભારતમાં નવી ચર્ચા જાગી છે. કોંગ્રેસના નેતાઓ પી ચિદમ્બરમ અને શશિ થરૂર સહિત કેટલાક અન્ય વિપક્ષી નેતાઓએ આશા વ્યક્ત કરી હતી કે ભારત ઘટનાથી શીખ લેશે અને સુનકના બ્રિટિશ વડાપ્રધાન બનવા પર અલ્પસંખ્યોમાંથી કોઈને ટોચના પદ પર ચૂંટે. તે પછી વાર પલટવાર શરૂ થયા છે.
NRC અને CAA પર મહેબૂબાનું નિવેદન
બીજી તરફ જમ્મુ અને કાશ્મીરના ભૂતપૂર્વ મુખ્ય પ્રધાન અને પીપલ્સ ડેમોક્રેટિક પાર્ટીના વડા મહેબૂબા મુફ્તીએ સુનકના બ્રિટનના વડા પ્રધાન બનવાને ગૌરવની ક્ષણ ગણાવતાં કહ્યું હતું કે બ્રિટને એક વંશીય લઘુમતીનો તેમના વડાપ્રધાન તરીકે સ્વીકાર કર્યો છે, પરંતુ અમે હવે NRC અને CAA જેવા વિભાજનકારી અને ભેદભાવપૂર્ણ કાયદાઓથી પણ બંધાયેલા છે.
Proud moment that UK will have its first Indian origin PM. While all of India rightly celebrates, it would serve us well to remember that while UK has accepted an ethnic minority member as its PM, we are still shackled by divisive & discriminatory laws like NRC & CAA.
મહેબૂબા મુફ્તીને તીખો સવાલ
મુફ્તીના જવાબનો ઉલ્લેખ કરતા રવિશંકર પ્રસાદે પૂછ્યું કે શું તેઓ જમ્મુ અને કાશ્મીરના મુખ્યમંત્રી તરીકે કોઈ લઘુમતીને સ્વીકારશે. તેમણે કહ્યું, કૃપા કરીને સ્પષ્ટ જવાબ આપો.