પૂર્વ કેન્દ્રીય મંત્રી અને રાષ્ટ્રવાદી કોંગ્રેસ પાર્ટીના પ્રમુખ શરદ પવારની અધ્યક્ષતાવાળી એક જ્યૂરીએ લોકસભા સભ્યોની પસંદગી કરી છે. જે વર્ષના સર્વશ્રેષ્ઠ સાંસદ તરીકે પસંદગી પામ્યા છે.
જ્યૂરીએ લોકસભા સાંસદોની પસંદગી કરી
આ સાંસદોની થઈ છે પસંદગી
સર્વશ્રેષ્ઠ સાંસદોમાં ધારદાર વક્તાના નામો
પૂર્વ કેન્દ્રીય મંત્રી અને રાષ્ટ્રવાદી કોંગ્રેસ પાર્ટીના પ્રમુખ શરદ પવારની અધ્યક્ષતાવાળી એક જ્યૂરીએ લોકસભા સભ્ય અસદુદ્દીન ઓવૈસી અને રાજ્યસભા સાંસદ ડેરેક ઓબ્રાયનને વર્ષના સર્વશ્રેષ્ઠ સાંસદ તરીકે પસંદગી કરી છે. સંસદીય પુરસ્કારની ચોથી આવૃતિ માટે અખિલ ભારતીય મજલિસે ઈત્તેહાદ્દુલ મુસ્લિમીનના પ્રમુખ અને હૈદરાબાદથી લોકસભા સાંસદ ઓવૈસી તથા ટીએમસીના રાજ્યસભા સાંસદ ડેરેક ઓ બ્રાયન ઉપરાંત, કોંગ્રેસના રાજ્યસભા સાંસદ એ.કે. એંટની, બીજદ લોકસભા સભ્ય ભર્તુહરી મહતાબ, કોંગ્રેસના રાજ્યસભા સભ્ય વંદના ચૌહાણ અને ભાજપના લોકસભા સભ્ય તેજસ્વી સૂર્યા તથા લોકેટ ચેટર્જી સહિત આઠ સભ્યોની પસંદગી કરવામાં આવી છે.
જ્યૂરી બોર્ડના સભ્યો
જ્યૂરી બોર્ડમાં પવાર ઉપરાંત, વરિષ્ઠ કોંગ્રેસી નેતા તથા પૂર્વ મંત્રી ગુલામ નબી આઝાદ, સુરેશ પ્રભુ, આરએસપીના એનકે પ્રેમચંદ્રન, રાજ્યસભાના પૂર્વ મહાસચિવ યોગેન્દ્ર નારાયણ, દ પ્રિંટના સંસ્થાપક સંપાદક શેખર ગુપ્તા, ટીવી 9ના નિર્દેશક હેમંત શર્મા, લોકમતના સંપાદકીય બોર્ડના અદ્યક્ષ તથા રાજ્યસભાના પૂર્વ સભ્ય વિજય દર્ડા પણ સામેલ છે.
આટલી શ્રેણીમાં સાંસદોની થઈ પસંદગી
એંટની અને મહતાબને લાઈફટાઈમ અચીવમેંટ પુરસ્કારની શ્રેણીમાં પસંદ કરવામાં આવ્યા છે, જ્યારે ઓબ્રાયન અને ઓવૈસીને વર્ષના સર્વશ્રેષ્ઠ સાંસદ તરીકે પસંદ કરવામાં આવ્યા છે. જાહેરાતમાં જણાવવામાં આવ્યું છે કે, ચૌહાણ અને ચેટર્જીને સર્વશ્રેષ્ઠ મહિલા સાંસદ તથા રાજ્યસભા સભ્ય મનોજ ઝા તથા સૂર્યાની પસંદગી સર્વશ્રેષ્ઠ નવોદિત સાંસદની શ્રેણીમાં કરવામાં આવ્યું છે.