BIG NEWS / ગુજરાત જ નહીં દેશભરમાં ગરમીના કારણે વધ્યું ટેન્શન: કેન્દ્ર સરકારે તમામ રાજ્યોને તાબડતોબ આ કામ કરવા આપ્યો આદેશ 

• સમગ્ર દેશમાં ગરમી વધવાની સાથે જ આરોગ્ય વિભાગની ચેતવણી 
• વધતી ગરમીને જોતાં મોદી સરકાર એક્શનમાં 
• કેન્દ્રીય આરોગ્ય સચિવે 'નેશનલ એક્શન પ્લાન' પર ધ્યાન આપવા કહ્યું

ઉનાળાની શરૂઆતની સાથે સમગ્ર દેશમાં ગરમી વધવા લાગી છે. તાપમાન ધીમે ધીમે વધી રહ્યું છે. આ દરમિયાન હવે કેન્દ્રીય આરોગ્ય સચિવ રાજેશ ભૂષણે રાજ્યો અને કેન્દ્રશાસિત પ્રદેશોને ગરમીથી સંબંધિત રોગો અંગે ચેતવણી આપી છે. કેન્દ્રીય આરોગ્ય સચિવે બધાને 'નેશનલ એક્શન પ્લાન' પર ધ્યાન આપવા કહ્યું છે. 

દેશમઅ વધતી ગરમીને લઈ એવું કહેવામાં આવી રહ્યું છે કે, દેશમાં કેટલાક સ્થળોએ તાપમાન પહેલાથી જ ઉચ્ચ સ્તરે પહોંચી ગયું છે. આવી સ્થિતિમાં ગરમીથી થતા રોગો પણ વધવા લાગશે. આને ધ્યાનમાં રાખીને કેન્દ્રએ પહેલાથી જ તમામ રાજ્યોને એલર્ટ કરી દીધા છે. પત્રમાં જણાવાયું છે કે 1 માર્ચ, 2023થી, તમામ રાજ્યો અને જિલ્લાઓમાં ક્લાઈમેટ ચેન્જ એન્ડ હ્યુમન હેલ્થ (NPCCHH) પર નેશનલ પ્રોગ્રામ હેઠળ ગરમી સંબંધિત રોગો પર દૈનિક દેખરેખ ઈન્ટિગ્રેટેડ હેલ્થ ઈન્ફોર્મેશન પ્લેટફોર્મ (IHIP) પર હાથ ધરવામાં આવશે.

Union Health Secretary Rajesh Bhushan writes to Chief Secretaries & Administrators of all States/Union Territories regarding daily surveillance on heat-related illnesses that will be done in all states & districts from 1st March 2023. pic.twitter.com/6DqM1m4YMP

— ANI (@ANI) February 28, 2023

આ સાથે NPCCHH, NCDC, આરોગ્ય અને પરિવાર કલ્યાણ મંત્રાલય દ્વારા રાજ્યોને મોકલવામાં આવેલા આ પત્રમાં ગરમીના મોજાની આગાહી સૂચવવામાં આવી છે. તમામ રાજ્યોમાં જિલ્લા અને શહેર આરોગ્ય વિભાગોને ગરમી સંબંધિત આરોગ્ય કાર્ય યોજનાઓ ફરીથી અમલમાં મૂકવા સૂચના આપવામાં આવી છે. 

શું સૂચના આપવામાં આવી ? 
કેન્દ્રીય આરોગ્ય વિભાગ દ્વારા રાજ્યના આરોગ્ય વિભાગોને તબીબી અધિકારીઓ, આરોગ્ય કર્મચારીઓ, ગ્રાઉન્ડ લેવલના કાર્યકરોને ગરમીની બીમારી, તેની વહેલી તપાસ અને વ્યવસ્થાપન અંગે સંવેદનશીલ બનાવવા અને ક્ષમતા નિર્માણના પ્રયાસો ચાલુ રાખવા માટે કહેવામાં આવ્યું છે. આરોગ્ય વિભાગને તમામ આવશ્યક દવાઓ, નસમાં પ્રવાહી, આઈસ પેક, ઓઆરએસ અને તમામ આવશ્યક ચીજવસ્તુઓની પૂરતી ઉપલબ્ધતા માટે સૂચનાઓ આપવામાં આવી છે. આરોગ્ય સુવિધા સજ્જતાની સમીક્ષા થવી જોઈએ. તમામ આરોગ્ય સુવિધાઓ પર પૂરતા પ્રમાણમાં પીવાના પાણીની ઉપલબ્ધતા માટે પણ કહેવામાં આવ્યું છે.