રાજકોટ પોલીસ કમિશનર સામે પહેલાથી ભ્રષ્ટાચારના ગંભીર આક્ષેપો લાગ્યા છે ત્યારે વધુમાં એસીપીની પણ એક કથીત ઓડિયો ક્લીપ વાયરલ થઈ છે. જેના કારણે હવે તેમની સામે પણ ગંભીર આક્ષેપો લાગ્યા છે.
રાજકોટ પોલીસ ફરી વિવાદોમાં
એસીપીની કથિત ઓડિયો ક્લીપ થઈ વાયરલ
ઓડિયો ક્લીપમાં સેટલમેન્ટની વાત
રાજકોટના પોલીસ કમિશનર પર લાગેલા કટકીના આરોપો બાદ એક પછી પછી એક રાજકોટ પોલીસ પણ ગંભીર આરોપો લાગી રહ્યા છે. ગતરોજ પણ રાજકોટ એસીપી, પીઆઈ અને ડી સ્ટાફના કોન્સ્ટેબલ સામે 4 કરોડની ઉઘરાણીના આરોપ લાગ્યા હતા. ત્યારે વધુમાં ફરી રાજકોટ પોલીસ પણ એક ગંભીર આક્ષેપ લાગ્યા છે.
રાજકોટ પોલીસ પર ગંભીર આક્ષેપ
રાજકોટના એસીપીની એક કથીત ઓડિયો ક્લિપ વાયરલ થઈ છે. જેમા પોલીસ અધિકારી અને બે વ્યક્તિઓ વચ્ચેના આ ઓડિયો ક્લીપ છે. જેમા એસીપી પ્રમોદ દિયોરા અને ઘનશ્યામ નામના વ્યક્તિ વચ્ચે વાતચીત થઈ રહી છે. આ ઓડિયો ક્લીપ વાયરલ થયા બાદ ફરીથી રાજકોટ પોલીસ સામે ગંભીર આક્ષેપો લાગ્યા છે.
સેટલમેન્ટની વાત
ઓડીયોમાં એસીપી દ્વારા એવું કહેવામાં આવી રહ્યું છે કે હું કહું તે પ્રમાણે તમે સ્ટેટમેન્ટ રાખજો. સાથેજ એસીપી એવું પણ બોલી રહ્યા છે કે બંનેના સેટલમેન્ટની વાત કોઈને ખબર ન પડવી જોઈએ. વધુમાં એસીપી એવું પણ બોલી રહ્યા છે કે મારી પાસે અરજી છે કોઈ FIR નથી એટલી કોઈ ચિંતા ન કર.
VTV નથી કરતું વીડિયોની પુષ્ટી
ઉલ્લેખનીય છે કે કરોડોના વહીવટની આ ઓડિયો કલ્પિ વાયરલ થયા બાદ રાજકોટ પોલીસ ફરી એક વાર વિવાદોમાં આવી ગઈ છે અને તેની સામે ગંભીર આક્ષેપો લાગ્યા છે. જોકે આ કથિત ઓડિયો ક્લિપની પુષ્ટી વીટીવી નથી કરતું.