મહામારી / લોકડાઉન પૂરું થતાં જ આ દેશના લોકો આવી ગયા ગેલમાં, કપલ્સ રોડ પર કરી રહ્યા છે Kiss

• લોકો ડાન્સ કરતાં જોવા મળ્યા અને કલ્પસ એકબીજાને Kiss કરતાં જોવા મળ્યા
• હજારો કપલ્સ બાર્સેલોનાના રોડ પર અને સમુદ્ર કિનારે ફરવા નીકળી ગયા
• લોકોએ મન મૂકીને પાર્ટી કરી

લોકો ડાન્સ કરતાં જોવા મળ્યા અને કલ્પસ એકબીજાને Kiss કરતાં જોવા મળ્યા
ભારતની સાથે સાથે બીજા ઘણા દેશોમાં લોકડાઉનનો માહોલ છે અને ઘણા દેશોમાં ધીમે ધીમે લોકડાઉન ખોલવામાં આવી રહ્યું છે. તેવામાં સ્પેનમાં લાગુ પાડવામાં આવેલ રાત્રિ લોકડાઉન હવે પૂરું થવાનું છે, તેવી ઘોષણા કરવામાં આવતા જ ત્યાંનાં લોકો ખુશ થઈ ગયા અને જાણે એક મોટી લડાઈ જીતી હોય તેની ઉજવણી કરવા રોડ પર નીકળી પડ્યા. લોકો ડાન્સ કરતાં જોવા મળ્યા અને કલ્પસ એકબીજાને Kiss કરતાં જોવા મળ્યા. 

હજારો કપલ્સ બાર્સેલોનાના રોડ પર અને સમુદ્ર કિનારે ફરવા નીકળી ગયા
"ધ સન" ના રિપોર્ટ મુજબ, સ્પેનમાં કોરોનાની મહામારી સામે લડવા માટે ઓક્ટોબરમાં ઇમરજન્સી લાગુ પાડવામાં આવી હતી. હવે આ ઇમરજન્સી હટાવી લેવામાં આવી તેથી લોકો લોકડાઉન હટાવી લેવાની ખુશી વ્યકત કરવા માટે ભેગા થયા. આ ખુશીમાં ત્યાંની પોલીસે લોકોનો ઘરે મોકલવા માટે ઘણો સંઘર્ષ પણ કરવો પડ્યો. પોલીસે જે લોકોએ માસ્ક નોહતું પહેર્યું તેવા લોકોની અટકાયત પણ કરી. આટલું જ નહીં, હજારો કપલ્સ બાર્સેલોનાના રોડ પર અને સમુદ્ર કિનારે ફરવા નીકળી ગયા. આ ઘટના બાદના ઘણા ફોટો વાયરલ થયા, જેમાં કપલ્સ એકબીજાને kiss કરતાં હતા તેવ ફોટો ઘણા શેર થયા. 

લોકોએ મન મૂકીને પાર્ટી કરી
સાથે જ લોકોએ માસ્ક પહેર્યા વિના જ કલાકો સુધી રોડ પર ડાન્સ કર્યો. જ્યારે બાર્સેલોનામાં લોકો મજા માણવા માટે સમુદ્ર કિનારે પહોંચી ગયા. આ દરમ્યાન પોલીસ અને લોકો વચ્ચે ઘર્ષણ પણ થયું હતું. હોટલમાં કામ કરતાં કર્મચારીઓ પણ એકદમ ખુશ જોવા મળ્યા. હવે ત્યાંની હોટેલ્સ રાતના 11 વાગ્યા સુધી ખુલ્લી રહેશે, પણ એક ટેબલ પર ચારથી વધુ લોકો સાથે નહીં બેસી શકે. પણ તેમ છતાંય લોકોએ મન મૂકીને પાર્ટી કરી. સાથે જ ત્યાંનાં પ્રશાસને કહ્યું કે લોકો આ મહામારીને સાવ મજાકમાં પણ ના લે, કારણકે કોરોના હજી સુધી નથી ગયો. વધુ લોકોના સંપર્કમાં આવશો તો સંક્રમણ વધી જશે. એટલે તકેદારી રાખવી જરૂરી છે. સરકારે બધાને સચેત અને જાગૃત રહેવાની અપીલ કરી. ત્યાંનાં મેયરે કહ્યું કે સ્વતંત્રતાનો મતલબ એ નથી કે તમે રોડ પર ભેગા થઈ દારૂની મહેફિલ કરો, યાદ રાખો કે મહામારી હજી સુધી ચાલુ જ છે. ત્યાંનાં નવા નિયમો અનુસાર હવે સ્પેનના લોકો બીજા શહેરમાં સફર પણ કરી શકશે. 

તમને જણાવી દઈએ કે સ્પેનમાં કોરોનાથી 79 હજાર લોકોના મૃત્યુ થયા છે.