ઓટો / ફ્રી સર્વિસ પૂર્ણ થતા જ વાહનચાલકો આવી ભૂલ ન કરતા, નહીંતર આવશે પસ્તાવાના દહાડા!

જ્યારે આપણે નવું સ્કૂટર કે બાઈક ખરીદીએ છીએ ત્યારે 3 ફ્રી સર્વિસ આપવામાં આવે છે. જે ચોક્કસ કિલોમીટર અને નિશ્ચિત સમયસીમામાં કરાવાની હોય છે. પરંતુ આ ફ્રી સર્વિસમાં લેબર ચાર્જ સિવાય બીજા તમામ ચાર્જ લગાવવામાં આવે છે. ઓથોરાઈઝ્ડ સર્વિસ સેન્ટર પર કુશળ મિકેનિક હોય છે છતાં ઘણા લોકો ફ્રી સર્વિસ બાદ એવી ભૂલ કરી બેસતા હોય છે જે સ્કૂટરને ભારે નુકશાન પહોંચાડે છે અને પૈસાની પણ બરબાદી થતી હોય છે.

ફ્રી સર્વિસ સમાપ્ત થયા બાદ લોકો થોડા પૈસા બચાવવા માટે લોકલ મિકેનિક્સ પાસે જતા હોય છે. જેમાં ઘણા આવા લોકલ મિકેનિક્સ પાસે પૂરતી જાણકારી અને સુવિધાઓ નથી હોતી. જેના કારણે તેઓ ઘણીવાર સ્કૂટર કે બાઈકમાં લોકલ પાર્ટ્સ લગાવી દે છે, જેના કારણે ભવિષ્યમાં વાહનને ઘણું નુકસાન થાય છે.

ઘણી વખત લોકલ મિકેનિક્સ જુગાડ કરીને પણ સ્કૂટર કે બાઈકને રિપેર કરવાનો પ્રયાસ કરે છે. પરંતુ તેવું કરવાથી વાહનને મોટું નુકસાન થઈ શકે છે. આથી માત્ર ઓથોરાઈઝ્ડ સર્વિસ સેન્ટર પર જ સર્વિસ કરાવવી જોઇએ. ભલે તેમાં થોડા વધુ પૈસા ખર્ચ કરવા પડે પરંતુ આગળ જઈને તમે મોટા નુકશાનથી બચી શકો છો.

• રેગ્યુલર સર્વિસ જરૂરી

ફ્રી સર્વિસ બાદ પણ સર્વિસ સેન્ટર તમને એક્સટેન્ડેડ સર્વિસ પણ ઓફર કરે છે. તમે ઇચ્છો તો તમે તેને લઈ શકો છો અથવા રેગ્યુલર paid સર્વિસ પણ કરાવી શકો છો. નેક્સ્ટ સર્વિસ કેટલા કિલોમીટર બાદ થશે તે વિશે પણ સર્વિસ ટીમ સાથે વાત કરી શકો છો, તેઓ તમને સંપૂર્ણ માર્ગદર્શન આપશે.

• સમયસર પાર્ટ બદલો

સ્કૂટર કે બાઈકમાં કેટલાક પાર્ટ્સ એવા હોય છે જે સર્વિસના સમયે બદલવામાં આવે છે. તો કેટલાક પાર્ટ્સ એવા હોય છે જેને કિલોમીટર પ્રમાણે બદલવા પડે છે. જો તમે આ કામ સમયસર કરાવી લો છો તો વાહનને કોઈ સમસ્યા થતી નથી.

વધુ વાંચો : આ 5 કારણના લીધે ઝડપથી ઉતરી જાય છે તમારી કારની બેટરી, જો-જો આવી ભૂલો કરતા!

• આ બાબતનું રાખો ધ્યાન

જો તમે દરરોજ 30 કિલોમીટરથી વધુ સ્કૂટર કે બાઈક ચલાવો છો, તો દર 1500 કિલોમીટર બાદ એન્જિન ઓઈલ તપાસો. જો તેનું ધ્યાન રાખવામાં ન આવે તો તે એન્જિનને નુકસાન પહોંચાડી શકે છે. આ સિવાય બ્રેક શૂ, ઓઈલ ફિલ્ટર, એર ફિલ્ટર અને ડિસ્ક બ્રેક ઓઈલ પણ ચેક કરતા રહેવું જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ