BIG NEWS / જપાનથી પરત આવતા જ PM મોદીએ સૌથી પહેલા બોલાવી મીટિંગ, લેવાઈ શકે છે મોટો નિર્ણય 

• PM મોદી 11 વાગ્યે કેન્દ્રીય કેબિનેટની બેઠકમાં હાજરી આપશે.
• PM મોદીએ જાપાનમાં ક્વોડ રાષ્ટ્રોના નેતાઓ સાથે ભાગ લીધો 
• જપાનમાં PM મોદીએ અનેક કાર્યક્રમોમાં ભાગ લીધો હતો

PM મોદી 11 વાગ્યે કેન્દ્રીય કેબિનેટની બેઠકમાં હાજરી આપશે.

ક્વાડ ગ્રૂપની બેઠકમાં ભાગ લેવા માટે PM મોદીની જપાનની બે દિવસીય મુલાકાત પૂરી થઈ ગઈ છે અને હવે તેઓ ભારત પાછા ફર્યા છે. તેમનું વિમાન આજે સવારે દિલ્હીના પાલમ સ્થિત એરફોર્સ સ્ટેશન પહોંચ્યું હતું. તે જ સમયે, હવે PM મોદી 11 વાગ્યે કેન્દ્રીય કેબિનેટની બેઠકમાં હાજરી આપશે. આ બેઠક પીએમના નિવાસસ્થાને જ યોજાશે.

PM મોદીએ જાપાનમાં ક્વોડ રાષ્ટ્રોના નેતાઓ સાથે ભાગ લીધો હતો. 

આ ચોથી વખત હતું જ્યારે PM મોદીએ જપાનમાં ક્વોડ રાષ્ટ્રોના નેતાઓ સાથે વાતચીતમાં ભાગ લીધો હતો. જેમાં ઓસ્ટ્રેલિયા, જપાન, અમેરિકાનો સમાવેશ થાય છે. આ બેઠકમાં યુક્રેન-રશિયા યુદ્ધ પર પણ ગંભીરતાથી ચર્ચા કરવામાં આવી હતી. તેણે મુક્ત, ખુલ્લા અને સમાવિષ્ટ ઈન્ડો-પેસિફિક માટે તેની પ્રતિબદ્ધતાનો પુનરોચ્ચાર કર્યો. PM મોદીએ US પ્રમુખ જો બિડેન સહિત ઓસ્ટ્રેલિયાના નવા વડાપ્રધાન એન્થોની અલ્બેનીઝ અને જાપાનના વડાપ્રધાન ફુમિયા કિશિદા સાથે દ્વિપક્ષીય બેઠકો પણ કરી હતી.

PM મોદીએ જાપાનમાં અનેક કાર્યક્રમોમાં ભાગ લીધો હતો

ચારેય નેતાઓ વચ્ચે વિચારમંથન બાદ એવું કહેવામાં આવ્યું હતું કે, ક્વોડ દેશો ઈન્ડો-પેસિફિક ક્ષેત્રમાં શાંતિ અને સુરક્ષા જાળવવા માટે પ્રતિબદ્ધ છે. આ તમામ દેશો નક્કી કરશે કે દરિયાઈ પરિવહન માટે બનેલા UNCLOS જેવા આંતરરાષ્ટ્રીય નિયમોનું પાલન કરવામાં આવે. ઉપરાંત, પૂર્વ અને દક્ષિણ ચીન સાગરમાં અવરજવરની સ્વતંત્રતા અને એરસ્પેસમાં પરિવહનની સ્વતંત્રતા પ્રાપ્ત કરવી જોઈએ. તમને જણાવી દઈએ કે, જાપાન પ્રવાસના પહેલા દિવસે PM મોદીએ ઘણા કાર્યક્રમોમાં ભાગ લીધો હતો. તેમણે ઈન્ડો-પેસિફિક ઈકોનોમિક ફ્રેમવર્કના લોન્ચિંગમાં પણ ભાગ લીધો હતો અને ટોક્યોમાં બિઝનેસ રાઉન્ડ ટેબલની અધ્યક્ષતા પણ કરી હતી.