આપણા પાડોશી દેશ પાકિસ્તાનમાં સરકાર કોઈપણ પાર્ટીની હોય પણ વિદેશમાં સ્થાયી થયેલા પાકિસ્તાનીઓ એમનું અપમાન કરવામાં જરા પણ વિચારતા નથી. વિદેશમાં પાકિસ્તાનના મંત્રીઓ સામે ચોર-ચોર ના નારા લગાવવાની ઘટનાઓ અટકવાનું નામ નથી લઈ રહી. હાલ જ એક એવો કિસ્સો સામે આવ્યો છે જ્યાં અમેરિકાના એક એરપોર્ટ પર IMFની બેઠકમાં શામેલ થયા પાકિસ્તાનના ફાઇનાન્સ મિનિસ્ટર ઈશાક ડાર(Ishaq Dar) સામે કેટલાક પ્રદશનકારીઓએ આવી હરકત કરી હતી. એક મીડિયા રિપોર્ટ અનુસાર દાર એરપોર્ટથી બહાર નીકળી રહ્યા હતા ત્યારે કેટલાક લોકોએ એમની સામે પ્રદશન કર્યું હતું.
ચોર-ચોરના નારાથી કરાયું સ્વાગત
જો કે આ પહેલો કિસ્સો નથી આ પહેલા પણ લંડનમાં પાકિસ્તાનના એક મંત્રી વિરુદ્ધ ચોર ચોરના નારા લાગ્યા હતા. આ વખતે પણ ત્યાં રહેતા મૂળ પાકિસ્તાની લોકોએ ચોર ના નારા લગાવ્યા હતા. એ લોકોએ એમના જ દેશના મંત્રીને કહ્યું હતું કે, 'તમે ખોટા છો અને તમે ચોર છો.' હાલ આ ઘટનાનો વીડિયો ઘણો વાયરલ થઈ રહ્યો છે. સાથે જ જણાવી દઈએ કે ચોર બોલનાર યુવકને મંત્રી દાર સાથે હાજર રહેલા એક વ્યક્તિએ અપશબ્દો કહીને ગંભીર પરિણામ આપવાની ચેતવણી પણ આપી હતી.
ગયા મહિને સૂચના મંત્રી મરિયમ નવાઝ પણ ફસાઈ હતી
આ પહેલા પણ પાકિસ્તાનની સૂચના મંત્રી મરિયમ ઔરંગઝેબ પણ ગયા મહિને આવી મુશ્કેલીમાં ફસાઈ હતી. એ સમયે લંડનની એક કોફી શોપમાં હાજર રહેલ કેટલીક વિદેશી પાકિસ્તાનીઓ એ એમની ઘેરી લીધી હતી અને એ સમય પાકિસ્તાનમાં પૂરની તબાહી વચ્ચે એમના આ વિદેશ પ્રવાસ અંગે લોકોએ નારાજગી વ્યક્ત કરી હતી. જો કે એ સમયે મરિયમે વિરોધ પર કોઈ પ્રતિક્રિયા આપી ન હતી.