Jobs / મેટા અને ટ્વિટરે છટણી કરતાં આ દિગ્ગજ કંપનીએ લંબાવ્યો હાથ, કંપનીઓમાંથી કાઢી મુકેલા કર્મચારીઓને આપશે નોકરી

• ટ્વિટર, મેટા જેવી ઘણી કંપનીઓએ તેમના કર્મચારીઓની છટણી કરી
• ભારતીય દિગ્ગજ ટાટાએ આવી કર્મચારીઓ માટે મદદનો હાથ લંબાવ્યો
• જાણો કેટલા લોકોને મળશે નવી નોકરી 

દુનિયાભરમાં મંદીનો માહોલ જોવા મળી રહ્યો છે અને અમેરિકાની ઘણી મોટી સોશિયલ મીડિયા પ્લેટફોર્મ અને કોર્પોરેટ કંપનીઓએ તેમના કર્મચારીઓની છટણી શરૂ કરી દીધી છે. તેમાં ટ્વિટર, મેટા જેવી ઘણી કંપનીઓએ તેમના કર્મચારીઓની છટણી કરી છે અને તેના કારણે લોકો માટે રોજગારીનું સંકટ ઉભું થવા લાગ્યું છે. આ બધા વચ્ચે ભારતીય દિગ્ગજ ટાટાએ આવી મોટી કંપનીઓના કર્મચારીઓ માટે મદદનો હાથ લંબાવ્યો છે. જણાવી દઈએ કે ટાટા મોટર્સે તેની બ્રિટિશ સબસિડિયરી જગુઆર લેન્ડ રોવરમાં (Jaguar Land Rover) મેટા અને ટ્વિટરમાંથી કાઢી મૂકેલા કર્મચારીઓને નોકરીની ઓફર કરી છે.

બ્લૂમબર્ગના એક રિપોર્ટ મુજબ જગુઆર લેન્ડ રોવર વિશ્વભરની મોટી ટેક કંપનીઓમાંથી કાઢી મૂકવામાં આવેલા કર્મચારીઓ માટે નોકરીની સુવર્ણ તક લઈને આવી રહ્યું છે અને ખાસ કરીને ટ્વિટર, મેટા જેવી મોટી કંપનીઓમાંથી કાઢી મૂકવામાં આવેલા કર્મચારીઓને અલગ-અલગ વિભાગોમાં નોકરી આપવામાં આવશે. જણાવી દઈએ કે તેમાં એન્જિનિયરિંગ સર્વિસની સાથે ડિજિટલ સર્વિસમાં કામ કરતા લોકોને પણ સામેલ કરવામાં આવ્યા છે.

જાણો કેટલા લોકોને મળશે નવી નોકરી 
જણાવી દઈએ કે ટાટા મોટર્સના જગુઆર લેન્ડ રોવરે જણાવ્યું છે કે એ લોકો વિવિધ સેક્ટરમાં કામ કરતા ઘણા લોકોને રોજગાર મળશે. કંપનીએ વચન આપ્યું છે કે તે હાલમાં લગભગ 800 નવી નોકરીઓનું સર્જન કરશે અને આમાં, તે ડેટા સાયન્ટિસ્ટ, મશીન લર્નિંગ, ઇલેક્ટ્રિફિકેશન, ક્લાઉડ સૉફ્ટવેર, આર્ટિફિશિયલ ઇન્ટેલિજન્સ અને ઑટોનોમસ ડ્રાઇવિંગ વગેરે જેવા ઘણા ક્ષેત્રોના લોકો માટે નોકરીની તકો લાવી છે. આ સાથે કંપનીએ દાવો કર્યો છે કે તે અમેરિકા, બ્રિટન, ભારત, ચીન, હંગેરી, આયર્લેન્ડ જેવા ઘણા દેશોમાં 800 લોકોને નોકરી આપશે.

ભારતમાં Apple આપશે  બમ્પર જોબ 
આ સાથે ભારતમાં પણ ટૂંક સમયમાં નોકરીઓ ઉભી થવા જઈ રહી છે. જણાવી દઈએ કે iPhone નિર્માતા એપલે બેંગલુરુમાં હોસુર પાસે તેની ફેક્ટરી સ્થાપી છે અને તેના દ્વારા તે ભારતમાં હજારો લોકોને રોજગારી આપશે. આ બાબતે માહિતી આપતાં ટેલિકોમ અને આઈટી મંત્રી અશ્વિની વૈષ્ણવે જણાવ્યું છે કે દેશભરમાં 60 હજારથી વધુ લોકોને નોકરી મળશે.

મેટા અને ટ્વિટરે કરી હજારો લોકોની છટણી 
ફેસબુકની પેરેન્ટ કંપની મેટા  અને ટ્વિટર ભૂતકાળમાં તેના હજારો કર્મચારીઓને બરતરફ કરી ચૂકી છે. આ સાથે જ એલન મસ્કના ટ્વિટર ટેકઓવર પછીતેણે લગભગ 50 ટકા કર્મચારીઓને કાઢી મૂક્યા. આ સિવાય ફેસબુકની પેરેન્ટ કંપનીએ પણ પોતાના 11,000 કર્મચારીઓની છટણીની જાહેરાત કરી છે. આ ઉપરાંત એમેઝોન, માઈક્રોસોફ્ટ, જોન્સન એન્ડ જોન્સન, વેગન મીટ બનાવતી કંપની બિયોન્ડ મીટ ઈન્ક, ઓનલાઈન બેંકિંગ ફર્મ ચાઈમ, ફિલીપ્સ 66, એરાઈવલ એસએ જેવી ઘણી કંપનીઓએ ખર્ચ ઘટાડવા માટે કર્મચારીઓની સંખ્યા ઘટાડવાનો નિર્ણય કર્યો છે.