રોજગાર / કોરોનાના સંકટ બાદ સરકારની આ એક જ સ્કીમ હિજરત કરનાર શ્રમિકોનો ઉદ્ધાર કરી શકશે

• 2019-2020માં મનરેગા હેઠળ રોજગારની માંગ તેના રેકોર્ડ 9 વર્ષના ઉંચા સ્તરે પહોંચી ગઇ 
• ગ્રામીણ વિકાસ મંત્રાલયના સૂત્ર મુજબ, આ વખતે રોજગારના આંકડા ગત વર્ષના આંકડાથી વધારે હશે 

આ આંકડો 2010-2011ની બાદ તેના રેકોર્ડ સ્તરે છે. ત્યારે 5.5 કરોડ પરિવારે રોજગારની માંગ કરી. વર્ષ 2018-19માં આ આંકડો 5.27 કરોડ હતો.

આ આંકડા મુજબ વ્યક્તિગત રીતે 2019-2020માં મોટી સંખ્યામાં લોકોએ આ યોજના હેઠળ કામ કર્યું. જેમા 7.86 કરોડ લોકો દેશભરના વિભિન્ન સ્થળો પર કાર્યરત હતા. 2012-13 બાદ આ સૌથી વધારે છે જ્યારે 7.97 કરોડ લોકોએ આ યોજના હેઠળ કામ કર્યું. રાષ્ટ્રીય રોજગાર ગેરન્ટી યોજના વર્ષ 2006માં દેશભરમાં 200 જિલ્લાઓમાં શરૂ કરાઇ હતી. 

અન્ય આંકડાઓથી જાણવા મળે છે કે કોઇપણ મનરેગા હેઠળ ખર્ચ ન નોંધાવનારી ગ્રામ પંચાયતોની સંખ્યામાં પણ ઘટાડો આવ્યો છે. ગત નાણાકીય વર્ષમાં આ સંખ્યા 9,144 હતી જે 2018-2019ના આંકડા 10,978થી ઓછી હતી. દેશમાં આવી ગ્રામ પંચાયતોની સંખ્યા 2017-18માં 11,789, 2016-17માં 19,451, 2015-16માં 39,469 અને 2014-15માં 39,531 હતી.

આ આંકડાઓ જોતા જાણવા મળે છે કે 2019-20માં 263.73 કરોડ વ્યક્તિ દિન રોજગારી પેદા થઇ. આ 2018-19ના 267.96 કરોડથી થોડી ઓછી છે. જોકે 2012-13થી 2017-18 સુધી કુલ વ્યક્તિ દિન રોજગારીથી વધારે છે. 

ગ્રામીણ વિકાસ મંત્રાલયમાં એક સૂત્રે જણાવ્યું કે એવી પૂરી સંભાવના છે કે આ વખતે રોજગારના આંકડા ગત વર્ષના આંકડાથી વધારે હશે. નોંધનીય છે કે આવુ દેશભરમાં કોરોના વાયરસને પગલે લૉકડાઉનની સ્થિતિથી થયું. સૂત્રે આગળ જણાવ્યું કે 2019-2020 દરમિયાન, કેન્દ્રે MGNREGA માટે 72,162.13 કરોડ રૂપિયા જાહેર કર્યા, જે અત્યાર સુધીની સૌથી વધારે રકમ છે અને તે 2018-2019માં જાહેર કરાયેલા 62,125.07 કરોડ રૂપિયાથી ઘણી વધારે છે.