કાર્યવાહી / ભાગેડુ મેહુલ ચોકસીને ભારત મોકલી દેવો જોઈએ, ડોમિનિકા સરકારે કોર્ટમાં ચોખ્ખું જણાવ્યું

• મેહુલ ચોકસીના ભારત પ્રત્યાર્પણનો મામલો
• ડોમિનિકા કોર્ટમાં  સુનાવણી શરુ
• થોડી વારમાં આવશે ચુકાદો 

ભારતના ભાગેડુ મેહુલ ચોકસીને મોટો ઝટકો લાગ્યો છે. ડોમિનિકા સરકારે ત્યાંની કોર્ટમાં જણાવ્યું છે કે મેહુલ ચોકસીને ભારત મોકલવી દેવો જોઈએ. ડોમિનિકાની સ્થાનિક કોર્ટમાં મેહુલ ચોકસીના પ્રત્યાર્પણ અંગે સુનાવણી ચાલી હતી. મેહુલ ચોકસી પણ ઝૂમ દ્વારા સુનાવણીમાં હાજર રહ્યો હતો. મેહુલ ચોકસીની 25 મે ના રોજ ધરપકડ કરવામાં આવી હતી. ડોમિનિકામાં વિપક્ષી પાર્ટી ચોકસીને ભારત મોકલી આપવાનું સરકાર પર દબાણ કરી રહી છે. એન્ટીગુઆના પ્રધાનમંત્રી ગેસ્ટાન બ્રાઉનનો દાવો છે કે ચોકસી હજુ પણ ભારતીય નાગરિક છે. 

તે ચુડેલ નથી, સુનાવણી પહેલા બોલી મેહુલની પત્ની પ્રીતિ

મેહુલની પત્ની પ્રીતિ ચોકસીએ જણાવ્યું કે મારા પતિને સ્વાસ્થ્ય સંબંધી ઘણી તકલીફ છે. તેઓ એન્ટીગુઆના નાગરિક છે. મેહુલ સાથે દેખાયેલી મિસ્ટ્રી ગર્લ વિશે બોલતા પ્રીતિએ જણાવ્યું કે મીડિયામાં તેને ચુડેલ ગણાવાઈ પરંતુ તે તેવી નથી. 

અપહરણના દાવાથી એન્ટીગુઆનો ઈન્કાર 
એન્ટીગુઆ પોલીસે સ્પસ્ટ કર્યું છે કે મેહુલ ચોકસીનું કોઈકે અપહરણ કર્યું નથી કે તેમને કોઈએ ટોર્ચર પણ કર્યાં નથી. પ્રધાનમંત્રીના જણાવ્યાનુસાર ભારતીય અધિકારી, દસ્તાવેજો સાથે ડોમિનિકા પહોંચ્યાં છે જેનાથી ત્યાં સાબિત થઈ શકે કે મેહુલ ચોકસી એક ગંભીર નાણાકીય ફ્રોડનો આરોપી છે અને તેને ભારતે મોકલી દેવો જોઈએ.

ગેસ્ટન બ્રાઉન કરી રહ્યાં ભારત મોકલવાની હિમાયત
પ્રધાનમંત્રી ગેસ્ટન બ્રાઉને ડોમિનિકન સરકારને જણાવ્યું ચે કે મેહુલ ચોકસીને એન્ટીગુઆ નહીં ભારત મોકલવો જોઈએ. મેહુલ ચોકસીના કથિત અપહરણ, યાતના અને ગેરકાયદેસર ધરપકડના કેસો કોર્ટમાં પેન્ડીંગ છે.