કોંગ્રેસ નેતા રાહુલ ગાંધીની ઈડીની પૂછપરછના વિરોધમાં બડાઈ હાંકનાર કોંગ્રેસી નેતા પોલીસની ભીંસ પડતા જ રફુચક્કર થયા હતા.
રાહુલ ગાંધીની ઈડીની પૂછપરછનો મામલો
રાહુલના નજીકના નેતા બીવી શ્રીનિવાસને હાંકી બડાઈ
પુષ્પા ઝુકેગા નહીં
પોલીસની ભીંસ વધતા પડ્યા ઢીલા
ધરપકડથી બચવા થયા રફુચક્કર
મની લોન્ડરિંગ કેસમાં ઈડી દ્વારા આકરી પૂછપરછ ચાલી રહી છે અને આ મુદ્દે કોંગ્રેસી નેતાઓ અને કાર્યકરો વિરોધ પ્રદર્શન કરી રહ્યાં છે. કોંગ્રેસ અધ્યક્ષ સોનિયા ગાંધીના પુત્ર રાહુલ ગાંધી સોમવારે, 13 જૂને નેશનલ હેરાલ્ડ સાથે સંબંધિત મની લોન્ડરિંગ કેસમાં નવી દિલ્હીમાં એન્ફોર્સમેન્ટ ડિરેક્ટોરેટ (ED) સમક્ષ હાજર થયા હતા. રાહુલ અને સોનિયા ગાંધી પર નેશનલ હેરાલ્ડની મૂળ કંપની એસોસિએટેડ જર્નલ્સ લિમિટેડ (AJL)ની સંપત્તિ ગેરકાયદેસર રીતે હડપ કરવાનો આરોપ છે.
બીવી શ્રીનિવાસ પહેલા હાંકી બડાઈ, ઝુકીશું નહીં પછી ધરપકડથી બચવા ભાગ્યા
રાહુલ ગાંધીના નજીકના યુથ કોંગ્રેસ અધ્યક્ષ બીવી શ્રીનિવાસ વિરોધ દરમિયાન એક ચેનલ સાથેની વાતચીતમાં કહી રહ્યા હતા કે અમે રાહુલ ગાંધીના સૈનિક છીએ, ધરપકડ અને પોલીસની લાકડીઓથી ડરતા નથી. આના થોડા સમય બાદ તેનો બીજો વીડિયો સોશિયલ મીડિયા પર આવ્યો જેમાં તે પોલીસની ધરપકડમાંથી ભાગતો જોવા મળી રહ્યો છે. ભારતીય જનતા યુવા મોરચાએ તેમનો આ વીડિયો શેર કર્યો છે.
રાહુલ ગાંધીની પૂછપરછનો મોટાપાયે વિરોધ
કોંગ્રેસના નેતાઓ અને કાર્યકરો રાહુલ ગાંધીના નિર્માણ માટે કોંગ્રેસ મુખ્યાલયથી ED ઓફિસ સુધી વિરોધ પ્રદર્શન કરવા જઈ રહ્યા હતા. જેમાં કોંગ્રેસના ઘણા દિગ્ગજ અને જૂના નેતાઓ સામેલ હતા.