આર્યન ખાન જેલમાં બંધ છે અને આજે જામીનની અરજી પર સુનવણી પણ થવાની છે પરંતુ આર્યનનો એક જૂનો ફોટો વાયરલ થઇ રહ્યો છે. લોકો તેને ટ્રોલ કરી રહ્યાં છે.
આર્યન ખાનની જૂની તસવીર વાયરલ
યુઝર્સ કરી રહ્યાં છે તેને ટ્રોલ
આર્થર રોડ જેલમાં બંધ છે આર્યન
2 વર્ષ જૂનો ફોટો
આર્યન ખાનનો 2 વર્ષ જૂનો ફોટો છે અને તેમાં તે હાથમાં બરફ લઇને બેઠો છે. 18 માર્ચ 2019ના રોજ તેણે આ તસવીર પોસ્ટ કરી છે. આ તસવીર ફ્રાંસની છે અને તેણે કેપ્શનમાં લખ્યું છે કે નાર્કોસ. નાર્કોસનો અર્થ નાર્કોટિક્સ સાથે જ છે. યુઝર્સ આ વાંચીને હેરાન થઇ રહ્યાં છે.
આર્યન સાથે જનતા
શાહરુખ ખાનના ફેન્સ શાહરૂખની સાથે છે. ભારતના કેટલાક નાગરિકો આ વાતનો સખ્ત વિરોધ કરી રહ્યાં છે તો કેટલાક લોકો કહી રહ્યાં છે કે દરેકના બાળકથી ભૂલ થાય છે. તે શાહરુખનો દિકરો છે એટલે તેના પર સમગ્ર દેશની નજર છે નહીંતર કોઇને ખબર પણ ન પડી હોત.
ક્રુઝ ડ્રગ પાર્ટીમાં ઝડપાયેલા આર્યન ખાનના વકીલોએ ફરી એકવાર જામીન માટેની અરજી દાખલ કરી છે. જેની સુનવણી આજે એટલે કે બુધવારે થવાની છે. સોમવારે કેસની સુનવણી બુધવારે એટલે કે આજ પર છોડવામાં આવી હતી. તે પહેલા શુક્રવારે આર્યન માટે જામીનની અરજી આપવામાં આવી હતી પરંતુ NCBએ કહ્યું કે તેમને તપાસ કરવા માટે સમય જોઇએ છે તો ત્યારે પણ આર્યનને જામીન નહોતા મળી શક્યા.
આજે મળશે જામીન?
આર્યનના વકીલ સતીષ માનશિંદેએ 3 વાર જામીનની અરજી દાખલ કરી છે પણ સૌથી મોટો સવાલ તે છે કે શું આજે આર્યનને જામીન મળી શકશે ખરાં? જો NCB કહે કે હજુ તેમને તપાસ કરવી છે તો જજ શું નિર્ણય લેશે તે કોઇ કહી શકે નહી. દલીલ કર્યા બાદ જ કોઇ નિર્ણય સામે આવી શકશે.
આર્યન ખાન ડ્રગ્સ કેસમાં આર્થર રોડ જેલમાં બંધ છે
સુપરસ્ટાર શાહરુખ ખાનનો પુત્ર આર્યન ખાન ડ્રગ્સ કેસમાં આર્થર રોડ જેલમાં બંધ છે મુંબઈના જાણીતા વકીલ સતીશ માનશિંદે આર્યન ખાનનો કેસ લડી રહ્યા હતા. હવે શાહરૂખ ખાને આર્યન કેસ માટે નવા વકીલની નિમણૂક કરી છે.