બોલિવુડ સુપરસ્ટાર શાહરૂખ ખાનના પુત્ર આર્યન ખાને દુનિયાની સૌથી મોટી દારુની કંપની એબી ઇનબેવ સાથે કરાર કર્યો છે.
આર્યનખાન હવે દારુ વેચશે
દુનિયાની સૌથી મોટી દારુની કંપની એબી ઇનબેવ સાથે કર્યો કરાર
ભારતમાં લોન્ચ કરશે પ્રીમિયમ વોડકા
બોલિવુડ સુપરસ્ટાર શાહરૂખ ખાનનો પુત્ર આર્યન ખાન હવે વિદેશી દારુના ધંધામાં ઉતર્યો છે. આર્યનખાને વિશ્વની સૌથી મોટી લિકર કંપની એબી ઇનબેવના ભારતીય યુનિટ સાથે જોડાણ કર્યું છે.
ડી'યાવોલ નામની વોડકા વેચશે
રિપોર્ટ અનુસાર 25 વર્ષીય આર્યન ખાન પોતાના બિઝનેસ પાર્ટનર્સ સાથે મળીને ભારતમાં પ્રીમિયમ વોડકા બ્રાન્ડ લોન્ચ કરવાની તૈયારી કરી રહ્યો છે. આર્યન ખાને પણ પોતાના ઓફિશિયલ ઇન્સ્ટાગ્રામ એકાઉન્ટ પર આ વાતની જાહેરાત કરી છે. તેઓ જે વોડકા બ્રાન્ડ લોન્ચ કરે છે તેનું નામ ડી'યાવોલ છે. જેને તે પોતાના પાર્ટનર બંટી સિંહ અને લેટ્ટી બ્લાગોવા સાથે લોન્ચ કરશે.
આર્યન ખાને ડી'યાવોલના ફોટા શેર કર્યાં
આર્યન ખાને પોતાના ઇન્સ્ટાગ્રામ એકાઉન્ટ પર ડી'યાવોલના લોગો સાથેના ફોટા પણ શેર કર્યા છે. તેણે બે ફોટો મૂક્યા છે, જેમાં એકમાં તે એકલો જોવા મળે છે, જ્યારે બીજામાં તે પોતાના પાર્ટનર્સ સાથે જોવા મળે છે. તેણે આ તસવીરોને કેપ્શન આપ્યું હતું કે, 'આ માટે લગભગ પાંચ વર્ષ જેટલો સમય લાગ્યો છે. ડી'યાવોલ છેવટે અહીં આવી ગયો છે...' આ પોસ્ટ પર યુઝર્સ સતત કોમેન્ટ કરી રહ્યા છે.
રમ અને વ્હિસ્કી પણ વેચશે
આર્યન ખાન દ્વારા અલ્ટ્રા-પ્રીમિયમ વોડકા બ્રાન્ડ ડિવોલ (ડી'યાવોલ) લોન્ચ કર્યા પછી, આ એબીને ઇનબેવ દ્વારા વેચવામાં આવશે અને તેનું વિતરણ કરવામાં આવશે. આ પછી, તેઓ વ્હિસ્કી અને રમ જેવા બ્રાઉન સ્પિરિટ્સ લોન્ચ કરવાની પણ યોજના ધરાવે છે.