બોમ્બે હાઈકોર્ટના જામીન મળ્યાં હોવા છતાં પણ શાહરુખનો પુત્ર આર્યન ખાન આજે જેલમાંથી બહાર નહીં આવી શકે. તેને આજની રાત જેલમાં જ રહેવું પડશે.
આર્યન ખાનના છૂટકારામાં ફરી ફસાયો પેચ
આજની રાત જેલમાં રહેવું પડશે
આર્થર રોડ જેલમાં જામીન કોપી ન પહોંચી
આવતીકાલે છૂટી શકે તેવી સંભાવના
આર્યન ખાનના જેલમાંથી છૂટકારામાં વધુ એક પેચ ફસાયો છે. બેલ ઓર્ડરની નકલ સાંજે ૫.૩૦ વાગ્યા સુધી એનડીપીએસ કોર્ટથી આર્થર રોડ જેલ સુધી પહોંચી ન હોવાને કારણે આર્યનખાનને આજની રાત હજુ જેલમાં જ રહેવું પડશે. આવતીકાલે તે જેલમાંથી બહાર આવી શકે છે.
શાહરૂખ ખાનના ચાહકો માટે આ સમાચાર થોડા નિરાશાજનક છે. બેલ ઓર્ડરની નકલ સમયસર આર્થર રોડ જેલમાં પહોંચી શકી ન હતી. આર્થર રોડ જેલઅધિકારીઓએ પુષ્ટિ કરી છે કે આર્યન ખાને શુક્રવારે રાત જેલમાં વિતાવવી પડશે. કાનૂની ટીમ શુક્રવારે સાંજે જામીન ના આદેશની નકલ જેલમાં રજૂ કરશે. ત્યારબાદ શાહરૂખ ખાનનો પુત્ર આર્યન ખાન આવતીકાલે રાત્રે 11 વાગ્યા પછી એટલે કે શનિવારે ગમે ત્યારે મુક્ત થઈ શકે છે.
જુહી ચાવલા જામીનદાર બની
આર્યન ખાનને જામીન મળી ગયા છે અને શુક્રવારે તેને જેલમાંથી મુક્ત કરવામાં આવશે. તેમને એક લાખના બોન્ડ પર શરતી જામીન આપવામાં આવ્યા છે. અભિનેત્રી અને શાહરૂખ ખાનની નજીકની મિત્ર જુહી ચાવલા આર્યન દ્વારા જામીન બની ગઈ છે.
Mumbai | Aryan Khan will not be released from the jail today. He will be released tomorrow morning: Arthur Road Jail officials
આર્યન ખાનને જામીન માટે બોમ્બે હાઈકોર્ટે આકરી શરતો મૂકી છે.
બોમ્બે હાઈકોર્ટે જારી કરેલા બેલ ઓર્ડરમાં એવું જણાવાયું છે કે આર્યન ખાને કોર્ટમાં તેનો પાસપોર્ટ જમા કરાવી દેવો પડશે અને ડ્રગ્સ કેસના તપાસનીશ અધિકારીની મંજૂરી વગર મુંબઈ છોડીને બહાર નહીં જઈ શકે. જામીન શરતોની ઉપરાંત, બોમ્બે હાઈકોર્ટે આર્યન ખાન માટે ફરજિયાત કર્યું છે કે તે મીડિયા સમક્ષ તેની કાર્યવાહી સંબંધિત કોઈ સ્ટેટમેન્ટ નહીં આપી શકે. તે ઉપરાંત આર્યનખાન, અરબાઝ મરચ્ન્ટ અને મુનમુન ધામેચાએ દર શુક્રવારે એનસીબીની ઓફિસમાં હાજરી આપવી પડશે. આ તમામે અનિવાર્ય કારણો સિવાય તમામ તારીખે હાજરી આપવી પડશે. એક વાર ટ્રાયલ શરુ થયા બાદ તેઓ ટ્રાયલમાં વિલંબ નહીં કરી શકે.
ત્રણેય આરોપીઓને 1 લાખના બોન્ડ જમા કરાવવાનો આદેશ
બોમ્બે હાઈકોર્ટે બેઈલ ઓર્ડરમાં એવું પણ જણવ્યું છે કે જો આમાની કોઈ શરતોનું ઉલ્લંઘન થશે તો એનસીબી તેમના જામીન રદ કરી શકશે. તે ઉપરાંત હાઈકોર્ટે ત્રણેયને એવો પણ ઓર્ડર કર્યો કે તેઓ ક્રુઈઝ પાર્ટીની જેમ બીજી કોઈ ગતિવિધિ નહીં કરી શકે.